للقلب نظره بقلم زهرة الربيع

منه وعمر دخل الحمام وهي فضلت مستنياه.
بعد شوية خرج من الحمام وكانوا بيضحكوا ورايحين على الخيمة بتاعتهم.
بس البنت اللي سألته على خطيبها شاورته من بعيد وبقت تترجاه علشان يجي.
عمر استغرب جداً ومكانش هيروح بس هي بقت تبصله برجاء شديد اتنهد وقال ادخلي أنتي يا نظرة عشان معايا مكالمة وجوه الشبكة مش بتظبط.
نظرة ابتسمت وقالت تمام.. ودخلت وهو اتقدم على البنت وقال نعم عايزة إيه؟
بس فاجأته لما شدته بقوة دخلته الخيمة وقالت ناديتك علشان أقول لك أن أنا هعمل الخطة بتاعتك اللي قولتلي عليها!
عمر ابتسم بارتباك وقال طيب تمام عايزة إيه دلوقتي؟
البنت قالت بابتسامة أنا لقيت أنه لو شافني مع ابن عمه ولا ابن خاله ميهصدقش لأنهم كانوا قدام عيني من الأول وأنا ما رضيتش ولا بواواحد فيهم.. لقيت أن أنت أنسب واحد وشكلك حلو قوي.
عمر اندهش وقال أنتي مجنونة يا بت أنتِ أنا متجوز!
ولسه هتمشي مسكته من إيدها بقوة وقالت برجاء لو سمحت لو سمحت ساعدني.. ده هيخطب واحدة تانية.
عمر قال يا آنسة مش هينفع كده، أنا مراتي لو عرفت بحاجة زي دي تزعل وأنا متجوز.
ولسه هيطلع مسكت في إيدها وبقت تقول بصوت عالي لا مش هتمشي، مش هخليك تمشي، مش هخليك تطلع من هنا! وبقت تعلي صوتها.
في الوقت ده دخل شاب في العشرينيات ومسك في عمر بغضب وقال أنت بتعمل إيه هنا في خيمتها؟
عمر بلع ريقه بارتباك وقال طبعا لو قلت لك أني جاي أديها نصيحة مش أكتر مش هتصدق!
الشاب ضرب عمر وقعه على الأرض، صوتهم علي جداً وتلموا شيخ القبيلة وكل اللي موجودين في المكان، نظرة كمان جات على صوت عمر.. واتسعت عنيها بذهول لما لقيت خطيب البنت بيضربوا جامد وبيقول وجايلها لغاية خيمتها!
عمر قال أنا مش عايز أمد إيدي عليك علشان مقدر موقفك ومقدر اللي أنت فيه.. بقول لك خطيبتك هي اللي شدتني من إيدي ودخلتني هنا حتى أسالها.
وبص للبنت وهي قالت لخطيبها أنت ملكش صالح بينا أصلاً.. حتى خطبتنا فركشناها!
الشاب ضربها بالقلم وقعها على الأرض وقال آخرسي ياة أنتِ حسابك معايا بعدين.
عمر بص لها بغضب وقال معاك حق!
ولسه هيكمل شاف نظرة واقفه وبتبص له بذهول شديد وووو
بلع ريقه بقلق وقال نظرة أرجوكي تسمعي الأول.
بس نظرة مشيت بسرعة على خيمتها.
الشاب لسه بيتخانق مع عمر بس عمر دفعه وجرى ورا نظرة وهو بينادي باسمها نظرة.. نظرة أرجوكي استني.
عمر دخل الخيمة وراها لقاها بتاخد الشنطة والتليفون ومفاتيح العربية وقالت بغضب يلا بينا هنمشي.. يلا يا عمر ومتعملش مشاكل.
عمر قال يا نظرة احنا مش هينفع نرجع البيت دلوقتي.. أرجوكي اسمعيني وأنا هحل الموضوع معاهم بقول لك أنها كانت..
نظرة قاطعته وقالت بغضب مش عايزة أعرف مواضيع، هتطلع معايا ولا أَمشي لوحدي؟
ومشيت ناحية العربية وهو طلع وراها بيحاول يوقفها وهي بتقول بغضب أنا الغلطانة.. غلطانة اللي بفكر في واحد فلاتي زيك.. غلطانة اللي افتكرت أن ديل الكلب ممكن يتعدل!
عمر قال بغضب متغلطيش في الكلب.. قصدي متغلطيش فيا.. عيب كده اسمعيني حتى!
وقفت جنب العربية وقالت بغضب هتركب ولا أَمشي ومش هتعرفلي طريق حتى؟
عمر بصلها بغيظ وطلع في العربية وقال يلا اتفضلِ خليهم يقتلونا ونرتاح علشان تهورك ده!
نظرة لسه هتطلع العربية جات نفس البنت ومسكت إيدها وقالت لو سمحتي يا مدام نظرة أقسم بالله هو ما عمل أي ذنب.
نظرة بصتلها بغضب وهي قالت هو قال لي ألاقي شاب أغيظ بيه خطيبي علشان يرجعلي.. وأنا قلت هو يساعدني لأنه حلو كده وهو ظابط ومش من عيلتي يعني والنبي متزعلش منه هو ملوش دخل بحاجة وبسببكم اتكلمت مع خطيبي ورجعلي.
نظرة بصت لعمر وهو اتنهد وبص قدامه، والبنت كملت وقالت ده الباشا بيحبك والله وقال لي مراتي تزعل.
نظرة ابتسمت وسلمت عليها وركبت العربية معاه وهو متضايق منها.
على الطريق قالت أحم.. أكيد يعني مش هتزعل من واحدة عبيطة زيي؟
عمر ابتسم على جملتها وقال رحم الله امرئ عرف قدر نفسه!
نظرة حطت راسها على كتفه وقالت غصب عني بغير عليك قوي.
عمر ابتسم على جملتها وكان معجب جداً بالحب اللي في عيونها وفي معاملتها.. حط إيده ورا دماغها وضمها ليه وقال يا بت أهدي على نفسك شوية، أنا لحقت عرفتك أنتي علشان أخونك يا هبلة؟
نظرة بصتلو بغيظ وقالت يعني ممكن تخوني بعد فترة عادي؟
عمر ضحك جامد على جنانها وقال للأسف شكلي كده ما أعرفش أعملها أبدا.. يمكن ما تصدقنيش بس أنا متعلق بيكي قوي.. الوقت اللي بنقضيه سوا بيسعدني جداً.. كل دقيقة بتكتوني فيها جنبي قلبي بيعمل حرب جوايا.
نظرة بصتلو بابتسامة جميلة وعمر وقف العربية وبص لها جامد وقال وحشتيني قوي قوي، إزاي مش عارف بتوحشيني وأنتي بين إيديا.
نظرة بقت تبادله بنفس المشاعر وكانت مبسوطة جداً بين إيديه.
وقال تحبي نروح القسم نسلم على عمي؟
عمر ضحك وطلع بالعربيه على بيتهم وهما مبسوطين جداً.
بس أول ما وصل اتفاجئوا بعربيات كتير متجمعة حوالين المكان!
استغربوا وبصوا لبعض بقلق وطلعوا السلاح ودخلوا على البيت بترقب شديد.
أول ما دخلوا الباب اتقفل فوراً، واحد بص لهم وقال شرفتو يا بشوات كنت مستنيكم.. أول ما شيخ القبيلة كلمني وقال أنكم جايين قلت أجي أستقبلكم بنفسي!
عمر بصلها بغيظ وقال قولتيلي أمان مش كده؟
نظرة اتصدمت باللي سمعته ورفعت سلاحها هي وعمر بس كانوا عددهم كبير وحاوطوهم بالسلاح، وواحد منهم قال نزلوا أسلحتكم يلا بدل ما الداخلية تعزي فيكم!
نظرة وعمر ارتبكوا ونزلوا السلاح مع بعض وكل واحد فيهم بيبص للتاني.
نظرة قالت بسرعة أنا اللي قمت بالعملية دي من أولها لآخرها، أنا اللي جيت المكان وبلغت.. عمر باشا ملوش أي دخل.
عمر بصلها بدهشة وقال أنتي بتقولي إيه اتجننتي؟! لا طبعاً القضية دي قضيتي أنا اللي داهمت المكان.
الراجل ضحك بصوت عالي وقال ده على أساس أني هقتل واحد بس.. بتعزموا على بعض؟ لا يا حلوين هنا مفيش تضحية لأني هقتلكم أنتم الاتنين سوا.. أنتم السبب أننا خسرنا كتير مننا.. أنا هقتلكم وأولع فيكوا البيت الجميل ده.. وعلى بقى ما يحققوا في الموضوع ويعرفوا مين الفاعل أكون أنا سافرت وخلصت من أمثالكم اللي معطلين شغلنا!
بقلم زهرة الربيع
نظرة بصت لعمر بدموع وقالت أنا السبب في رجعتنا دي.. وأنا اللي أخدتك هناك أصلاً لو حصلت لنا حاجة سامحني يا عمر.
عمر قال بدموع أوعى تقولي كده.. مش هيحصل لنا حاجة.. أنا مش هسمح لحد يقربلك أبدا أنا معاكي يا نظرة متخافيش.
راجل قال بسخرية يا سلام على الحب الجميل! وسحب أجزاء سلاح وقال للأسف أنا قلبي بيوجعني من الكلام ده.. هو طبعا المفروض الستات أولا.. بس علشان الحب الحلو ده هنبدا بالراجل هو يستحمل أكتر! ورفع السلاح في وش عمر بس في ثواني كانت نظرة سبقته ووقفت قدام عمر وخرجت الرصاصة بقوة!
عمر اتصدم جداً، اللي حصل تم في جزء من الثانية وما عرفش يعمل حاجة بقا يبص لها بصدمة وهيقع من طوله من الرعب بس نظرة بلعت ريقها وقالت