طلبت من بنتي

بديه لجوزي يحوشهولك، والبيت مكتوب باسمي.. أنا كنت سيباكي فاكرة إنه بيتك عشان تحسي بالأمان. بنتها شهقت البيت باسمك انتي؟. آه باسمي.. وأنا كنت بدفع كل حاجة، حتى الأكل اللي بتقولي إني باكله ببلاش أنا كنت بشتريه من معاشي ومن القرشين اللي كنت مخبياهم. الورقة التانية.. الأم إدتها للمستشار ..ده توكيل، أنا حولت كل فلوسي ال 260 مليون لحساب مؤسسة خيرية، مؤسسة بتعلم ستات كبيرة في السن الخياطة وبتديهم شغل، عشان محدش يقول لواحدة عندها 62 سنة روحي اشتغلي كأنها شتيمة.. الشغل مش شتيمة، الشغل كرامة.
بنتها بصت مصدومة حولتي كل الفلوس؟ 260 مليون؟. الأم قالت آه.. كله.. هسيبلك البيت تعيشي فيه، بس مش هسيبلك جنيه واحد من الفلوس دي، عشان الفلوس اللي بتخلي البنت تقول لأمها يا متطفلة متبقاش فلوس.. تبقى لعنة.
البنك كله كان بيسقف، والله العظيم الناس اللي واقفة بقت تسقف للست الكبيرة! واحدة ست كبيرة كانت واقفة في الطابور جت حضنت الأم وقالت لها برافو عليكي يا بنتي.. علمتيها الأدب.
بنتها فضلت تعيط طب والمعرض؟ انتي كنتي عايزة 100 جنيه عشان المعرض؟. الأم ابتسمت لأول مرة، وطلعت من جيب الفستان الكحلي 100 جنيه قديمة مطبقة، وقالت ال 100 جنيه دي أنا كنت محوشاها من مصروف البيت، وكنت عايزاكي انتي اللي تديهالي، مش عشان الفلوس.. عشان أحس إن بنتي لسه بتحبني، إني لما أطلب حاجة صغيرة تقولي اتفضلي يا ماما، مش تقولي روحي اشتغلي.
بنتها خدت ال 100 جنيه وباست إيد أمها في نص البنك قدام كل الناس وقالت اتفضلي يا ماما.. واتفضلي عمري كله، والله ما هزعلك تاني. الأم حضنتها وقالت أنا مسامحاكي، بس هتروحي معايا المعرض، وهتقعدي جنبي تبيعي معايا الكروشيه اللي بعمله، وهتعرفي ال 100 جنيه بتيجي إزاي.
تاني يوم، المعرض اتعمل، والأم كانت قاعدة في ترابيزة صغيرة بتبيع مفارش كروشيه عملتها بإيديها، وبنتها قاعدة جنبها لابسة لبس عادي مش يونيفورم البنك وبتنده للزباين تعالوا شوفوا شغل إيد أمي.. أحلى شغل في الدنيا. والناس بقت تيجي تشتري، مش عشان المفارش، عشان الحكاية.. الحكاية اللي انتشرت في البلد كلها؛ حكاية الست اللي طلبت 100 جنيه من بنتها البنكية فبنتها قالت لها يا متطفلة، فتاني يوم دخلت البنك بورق ب 260 مليون.
وبنتها من اليوم ده بقت كل شهر تاخد مرتبها كله وتديه لأمها تقولها خدي يا ماما.. انتي اللي علمتيني قيمة القرش وأنا نسيت.. فكريني تاني. والأم بقت تاخد المرتب وتديها 100 جنيه وتقولها خلي الباقي معاكي.. بس متنسيش أمك مش متطفلة.. أمك هي اللي عملتك بني آدمة.
والمؤسسة الخيرية اللي الأم عملتها بقت أكبر مؤسسة في المدينة بتعلم ستات كبار الخياطة، وبقت بنتها هي اللي ماسكة حساباتها في البنك ببلاش من غير مرتب، وبتقول لكل عميل يدخل البنك لو عندك أم روح بوس إيديها.. قبل ما يجي اليوم وتدور عليها متلاقيهاش، وقبل ما تحتاج 100 جنيه ومتعرفش تجيبها.
وعدى أسبوع على موضوع البنك، والبنت بقت تروح الشغل كل يوم موطية راسها لأن الحكاية لفت البنك كله، مفيش موظف مدخلش سألها انتي اللي قلتي لأمك يا متطفلة؟ انتي اللي أمك معاها 260 مليون وطلبت منك 100 جنيه؟. كانت بتدخل الحمام تعيط وتطلع تكمل شغل، بس كانت بتعمل حاجة عمرها ما عملتها قبل كده بقت أول واحدة تساعد أي ست كبيرة تدخل البنك، تجبلها كرسي، وتجبلها ماية، وتخلصلها ورقها بإيدها، كأنها بتكفر عن اللي عملته مع أمها.
وفي يوم المدير ندهلها وقالها الإدارة شافت الفيديو بتاع الكاميرات بتاع اليوم اللي مامتك جت فيه، وسمعنا الكلام اللي اتقال.. احنا هننقلك فرع تاني بعيد عشان شكلك بقى وحش قدام العملا. البنت سكتت وقالت أنا أستاهل.
روحت البيت لقت أمها قاعدة في الصالة بتتفرج على التليفزيون وحاطة الشنطة الجلد جنبها. قالت لها ماما.. هينقلوني فرع بعيد في آخر البلد، هصحى الساعة 5 الصبح عشان ألحق. الأم وطت التليفزيون وقالت وتستاهلي ولا متستاهليش؟. البنت قالت أستاهل أكتر من كده.. أنا اللي قليت أدبي عليكي. الأم قالت طب اسمعيني.. انتي فاكرة إني لما حولت ال 260 مليون للجمعية أنا كده انتقمت منك؟. البنت بصتلها مستغربة أمال عملتي كده ليه؟. الأم قالت أنا معملتش كده عشان أنتقم.. أنا عملت كده عشان أفوقك. الفلوس دي كانت هتبوظك أكتر.. انتي وانتي موظفة في بنك وبتاخدي مرتب قلتي لأمك يا متطفلة، أمال لو كان معاكي 260 مليون كنتي هتقوليلي إيه؟ كنتي هتطرديني من البيت؟.
البنت وقعت على الأرض تاني وبقت تبوس رجل أمها والله ما كنت هعمل كده.. والله كنت هديكي عمري. الأم شدتها وقالت قومي.. أنا مربيتكيش تبوسي رجلين حد، حتى رجلي أنا.. أنا مربياكي تبقي قوية، بس نسيت أربيكي تبقي حنينة.
وبعدين الأم فتحت الشنطة الجلد وطلعت ورقة جديدة وقالت المستشار قالي إن الجمعية مش محتاجة ال 260 مليون كلهم مرة واحدة، هما محتاجين كل سنة 10 مليون، وأنا كتبت في الوصية إن بعد ما أموت الفلوس كلها هترجعلك انتي.. بس بشرط. البنت رفعت راسها شرط إيه؟. شرط إنك تفضلي شغالة في الجمعية 5 سنين من غير مرتب، تعلمي الستات الكبار، وتسمعي حكاياتهم، وتفهمي يعني