نسيم العاصف بقلم زهرة الربيع

ناولته مية بسرعة وهي عايزة تضحك على شكله وقالت الف سلامة يا حبيبي.. اشرب مية.
عاصف شرب كباية المية دفعة واحدة وقال أحم.. هو.. هو أنتي قولتي إيه معلش مخدتش بالي؟
سلوى قالت آآمم.. واضح مخدتش بالك! أنا بقول نسيم هتنزل الأوضة اللي جنب أوضتي، سمعت كده؟
عاصف اتنهد وقال أحم.. نسيم مش هتروح مكان.. قصدي يعني لحد ما نتأكد من حملها هتفضل معايا والنقاش ممنوع.
سلوى ضحكت وقالت ليه؟ مش أنت اللي قولت مش عايزها معاك؟ وبعدين مراتك غضبانة و...
عاصف قاطعها وقال ماما.. اللي يغضب النهارده يروق بكرة، وبلاش دماغك تجيبك وتوديبي، أنا هخليها معايا علشان مشتغلش ولا تتعب في حاجة لحد ما نتأكد من الحمل مش أكتر.
قال كده وطلع بسرعة وهو بيتحاشى يبص لوالدته، بس سلوى ضحكت وقالت أممم ما أنا واخدة بالي!
نسيم بصت لطيفه باستغراب وقالت هو الجدع ده ملبوس ولا إيه؟
سلوى ضحكت وقالت لا.. الجدع ده عمره ما اعتراف بالهزيمة، وهو شايف أنه بيتهزم قصادك ومش عايز يعترف.
نسيم قالت بلهفة صحيح يا طنط؟ بس اختفت لهفتها وقالت بخوف بس أنا خايفة يعرف باتفاقنا و...
بس قطعت كلامها لما سمعته بينادي لها من فوق وبيقول نسيم.. اطلعي حالا يلا!
نسيم بصت لها بخوف وقالت شايفة؟ أنا بخاف بس من صوته والنبي.
سلوى ضحكت وقالت معلش هتتعودي عليه، ده طيب قوي والله يلا روحيله.
نسيم طلعت بخوف، وسلوى ضحكت ونادت للخدامة بتاعتها وقالت تفتكري فيه أمل يا نوجه؟
سلوى قالت بضيق نوجه.. وبعدين ده ابني!
نوجه ضحكت وقالت بهزر معاكي ياستي، أنا عارفة أن عاصف بيه طيب بس هو مش واخد باله.
سلوى ضحكت وقالت أنا المهم عندي أطلقه من القرشانة اللي معاه، مش قادرة أطيقها أبداً، مش كفاية أنها مطلعة عينه وكل دقيقة خروجات وسفر ومش بيشوفها بالشهور، لا كمان الهانم طلعت شايلة الرحم من قبل الجواز وحتى مفكرتش تقوله.
عند عاصف، كان قاعد بيشتغل على اللابتوب ودخلت نسيم وقالت أحم.. نعم؟
عاصف بص لها بطرف عينه وقال هي ماما كانت بتقولك إيه؟
اتنهدت نسيم بضيق وقالت هتقول لي إيه يعني.. هو أنت حتى قادر عليك؟
نسيم بصت لعيونه جامد وبقت سرحانة فيه شوية، بس فاقت لنفسها وبعدت عيونها بسرعة واتنهدت وقالت أحم.. لو سمحت ملوش لزوم الكلام ده.
نسيم بصلته في عيونه بطريقة جميلة وقالت وأنت حاسس بإيه؟
عاصف تاه في عيونها وقال حاسس بخوف.. وأول مرة في حياتي أخاف!
أرجوك أنت أنت اتجوزنا ليه وإزاي.. يمكن أكون بالنسبالك زي أي واحدة هتقدر تنساها، بس أنت مش هتكون كده.. لأنك.. أحم.. لأنك أول واحد! والنبي ما تكسرني.. بلاش تعاملني بالحنية دي.. بلاش تطلعني السما وتوقعني تاني.. مش هقدر استحم أتعلق بيك و...
نسيم هزت راسها بالموافقة وعاصف اتنهد وقال أحم.. المفروض نعمل كده.
نسيم هزت راسها وقالت أحم.. صح.
عاصف قال أنتي معاكي حق.. خلينا بعيد أحسن.. أصلاً.. أصلاً مجرد شعور وهنتلاشاه.
نسيم قالت معاك حق.
اتنهد وبعد خطوة وقال طيب.. طيب تمام كده.. أحم.. كدة كلام ماما أحسن.. خلي كل واحد مننا في أوضة.
نسيم ابتسمت ابتسامة بسيطة ومشيت خطوات ناحية الباب، ولسه هتطلع عاصف قال بسرعة استني.
نسيم فرحت أنه وقفها وبصتله، وهو اتنهد وقال تصبحي على خير.
نسيم سكتت وهزت راسها بمعنى موافقة.
في صباح يوم جديد...
قامت نسيم بابتسامة بتبص جنبها.. كانت نايمة جنب عاصف!
شهقت!
عاصف قام وبقى يفرك عينه بنوم وقال فيه إيه؟ أمك اتطلقت ولا إيه؟
نسيم قالت بعصبية من غير استظراف يا عاصف! أنا ملحقتش أتقخانق معاك امبارح كنت تعبانة جداً عايزة أنام!
عاصف قعد وقال بضيق فقُولتي تتخانقي دلوقتي؟! ومش مهم أنام أنا؟
طب يا حبيبتي كنتي أجلتيها شوية.. هو الخناق هيطير يعني؟
قالت لا بقا هتخانق حالا! أنت عملت كده ليه؟ مش حلفتلي إننا هنام جنب بعض بس إيه اللي عملته ده بقى؟
عاصف ضحك وقال عملت إيه؟
نسيم قالت بسرعة انت ضحكت عليا!
عاصف قال بضحك أه فعلا ضحكت عليكي وشربتك حاجة صفرا.
نسيم قالت بضيق أنت قليل الأدب.. وأنت عارف إني.. إني مش بقدر أمنعك و...
عاصف ابتسم وبعد شعرها ورا ودنها وقال وأيه؟ ما تقولي بحبك.. مش عيب يعني أنا جوزك.
نسيم قالت بكسوف ما أنت عارف جوازنا.. وأنك مؤقت يا عاصف، ليه بتعمل كده؟
عاصف اتنهد ووقف واخد هدومه وراح ناحية الحمام من غير ما يرد عليها.
نسيم اتنهدت بيأس.. بس اتفاجأت لما قال على فكرة.. هو مؤقت بس فيه احتمال ميبقاش كده.. واحتمال كبير كمان!
نسيم بصلته بذهول وابتسمت لا إرادياً، وعاصف غمز لها بابتسامة حلوة ودخل الحمام.
نسيم حطت إديها على بقها بفرحة وهي مش مصدقة أبداً اللي سمعته.
نسيم ضحكت وقالت يا سلام!
عاصف ابتسم واتنهد وقال عايز أسألك سؤال بس متزعيليش.
نسيم ابتسمت وقالت مش هزعل، كفاية أنك خفت على زعلي.
عاصف ابتسم وقال كنتي عايزة الفلوس ليه؟ تقدري تثقي فيا وتحكيلي.
نسيم اتنهدت وقالت مش عارفة هقولك إيه الصراحة.. فيه موضوع ميستحملش التأجيل.. أنا.. أنا للأسف...
عاصف بصلها بقلق وقال انتي إيه؟ قولي متخافيش أنا هفضل معاكي.. متقلقيش لو كانت الفلوس علشان عندك مرض أو حاجة أو حتى حد من أسرتك أنا هقف معاكي.
نسيم قالت بسرعة مرض إيه؟! فال الله ولا فالك! أنا مش مريضة ولا حاجة.. كل الحكاية أن كان فيه حفلة لماجد المهندس هتتعمل في فبراير اللي جاي في الكويت وكنت عايزة أحضر!
عاصف بصلها بذهول شديد وقال بزعيق ودهشة نعم يا أختي؟!
نسيم لسه هترد، سمعوا الخدامة نوجه بتصرخ وبتقول بزعيق يا سي عاصف بيه! يا سي عاصف بيه الحقني!
عاصف جري عليها هو ونسيم وقال فيه إيه يا بت؟! إيه اللي حصل؟
عاصف بصلها بصدمة وقال إيه؟! خطفوها؟! خطفوها إزاي؟
نوجه قالت زي ما بقولك يا بيه.. ضربوها على دماغها وحطوها في العربية! أنا فضلت أصرخ والحرس جريوا عليها بس كانوا مشيوا بيها!
عاصف اتصدم ونسيم قالت يا مصيبتي! مين دول طيب يا نوجه؟ انتي متأكدة أنها اتخطفت ولا تكون ركبت معاهم؟
نوجه لسه هترد، عاصف جاله اتصال ورد بسرعة وقال الو...
جاله صوت يعرفه كويس قال مامقتك معايا يا عاصف متقلقش.. طلق البنت اللي معاك تاخد مامتك.
عاصف اتسعت عينيه بذهول وقال نيفن!
نيفن ابتسمت بسخرية وقالت أه أنا يا عاصف.. مامتك هتفضل معايا لحد ما تطلق البنت اللي معاك.
عاصف قال بغضب انتي شكلك أجننتي! أنا لو أمي مرجعتش النهارده و...
نيفن قالت بسرعة أنا عمري ما هأذي والدتك يا عاصف، أنا بنقذك من الفخ اللي نصبوه علشان يفرقونا! البنت اللي عندك دي مش خدامة، وهي موافقتش على جوازها منك علشان تخلفلك طفل وتقبض، دي هي ووالدتك اللي زعلان عليها متفقين علينا علشان يبعدونا عن بعض! ولو مش مصدقني أهي عندك وأسئلها، وعلشان أثبت حسن نيتي حماتي عندي في بيت بابا.. سلام!
نيفن قالت كده وقفت، وعاصف اتنرفز وقال بغضب ده إيه الجنون ده؟! دي أجننت خالص! أنا هروح أجب ماما وهكلم أبوها يشفولها صرفة، دي مش طبيعية بتقول كلام غريب!
نسيم كانت سامعة كلامهم سوا وواقفة بارتباك وبتفرك إديها بتوتر.
عاصف بصلها باستغراب وبدأ يشك