نسيم العاصف بقلم زهرة الربيع

مش عايزة حاجة.
عاصف ابتسم بسخرية وقال براحتك، أنا قولت أعرفك على الحاجات اللي أكيد معندكش علم بيها.
نسيم نفخت بضيق وقالت بصوت واطي اللهم طولك يا روح، يارب صبرني.
عاصف ابتسم ابتسامة جانبية وقال بتقولي حاجة يا مدام نسيم؟
نسيم قالت بخنقة بقول كتر خيرك.
نسيم بعدت بسرعة وبصتله وتوتر وقالت فيه إيه؟ مش خلصنا؟
عاصف بعد وضحك ومشي ناحية الباب وبصلها بوقاحه وقال لا مخلصناش، وشكلنا مش هنخلص قريب.
قال كده وطلع برة الأوضة، ونسيم بقت تبص لطيفه بذهول وقالت ربنا يستر!
أما عاصف فنزل ونادى واحدة من الخدم وقال حضريلنا عشا كويس يلا بس بسرعة.
أمه ابتسمت وقالت لحقت جوعت يا عريس؟
سلوى رفعت حواجبها بدهشة وقالت أممم قولتيلي.. طيب بالهنا على قلبها.
عاصف بصلها وقال إيه؟ على فكرة مفيش أي حاجة من اللي في بالك ومستحيل يكون... علشان أنا فاهمك.
عاصف قال كده وطلع، وسلوى ضحكت وقالت بخبث أنا كمان فاهمك كويس يا ابن بطني.
بعد شوية دخل عاصف وقال بضيق الأكل هجي كمان شوية، تاكلي كويس وبعد كده تخلي بالك لأكلك، مش عايز مشاكل في صحتي الفترة دي، مش ناقص ابني يطلع ضعيف بسببك.
نسيم ضحكت وبصتله بدهشة وقالت ابنك؟! هو فين ابنك ده؟
عاصف قال أنا أتأكدت إني كنت غلطان...
نسيم بعدت عنه وقالت بتوتر سؤال إيه؟ مش فاهمة!
نسيم اتنهدت وقالت بكسوف أحم.. فيه واحد كان.. كان جارنا.. وبيحبني.. ومرة.. أحم.. مرة...
نسيم بصلته بضيق وقالت انت فهمت إيه؟ حطها على إيدي فوق الجوانتي بس حسيت أنه قاصد!
عاصف اندهش وقال حطها على إيه يا أختي؟
نسيم قالت بسرعة على إيدي، بس زي ما قولتلك حسسته قاصد.
عاصف قال حط إيده على إيدك؟
نسيم قالت أه.
عاصف رجع قال وفوق الجوانتي؟
نسيم قالت الحمد لله كنت لبساه.
نسيم قالت بضيق ده بس علشان ضميرك مش تمام أصلاً.
عاصف ابتسم بسخرية ولسه هيتكلم الباب خبط.
عاصف راح فتح وكانت الخدامة جابة الأكل، أخدها منها وقفل الباب وقال يلا خدي كلي لتحصلك حاجة، مش ناقصة بلاوي.
نسيم بصت للأكل وبلعت ريقها وقالت لا.. لا مش عايزة، أنا مش عايزة منك حاجة.
عاصف ابتسم بسخرية وقال لا واضح انك مش جعانة.. ده عينيكي أكلت الصينية وإيدي معها! اترزعي كلي، أنا مش بحب أعي كلامي كتير.
نسيم قعدت وبقت تاكل كتير، كانت جعانة جداً ومأكلتش من الصبح.
عاصف بقى يبصلها بابتسامة كانت زي الأطفال وبتاكل بسرعة وواضح عليها الجوع.
بعد شوية ابتسمت وقالت الحمد لله شكراً، أنا شبعت أقدر أنزل دلوقتي.
عاصف استغرب وقال تنزلي فين؟
نسيم قالت هنزل عند سلوى هانم، مش خلاص كده خلصنا؟
نسيم وقفت وقالت بردح نعم! أنت مش قولت ليلة واحدة؟! أنا اتفقت معاك على ليلة والباقي مش مشكلتي!
عاصف وقف وقال بغضب وطي صوتك وأنتي بتكلميني متنسيش نفسك! أنا فاكر قولت إيه كويس.. قولت لحد ما نتأكد!
عاصف مسكها من دراعها بغضب وقال الظاهر أنك نسيتي نفسك! أوحي تفتكري أن علشان كلمتك كويس هتسوقي فيها!
نسيم كانت هتنفجر من الغضب ورجلها على الأرض بطفولة وقالت ماشي.. ماشي أنا الغلطانة إني بتفق مع عيل زيك! أنا هتكلم مع سلوى هانم وهقولها عليك!
كانت هتمشي بس مسكها من دراعها وكان عايز يضحك على شكلها وهي متعصبة وقال بقى أنا عيل؟! وكمان هتشكيني لأمي؟
نسيم قالت بدموع أيوه...
نسيم قالت بسرعة وغضب بس أنت مدخلتش مزاجي ومش طيقاك!
عاصف اتنهد...
نسيم بقت تزقه وقالت أوعى سيبني! مش عايزة أنام جنبك أنا!
بس عاصف قال بغضب أهدي بقى واسكتي.. متتحركيش عايز أنام! وبصلها بشر وقال لو صحيت على صوت نفسك حتى مش هتعرفي هعمل فيكي إيه.. سامعة؟!
نسيم هزت راسها بسرعة وخوف، وعاصف قال شطورة.
عاصف فتح عينيه لما اتأكد أنها نامت، واتنهد على برائتها، كانت ماسكة فيه بقوة رغم أنه هو اللي مخوفها، ابتسم.
في صباح يوم جديد...
قامو عاصف ونسيم على صوت خبط جامد على الباب، نسيم بصلته وقالت بخوف إيه ده هو أنت عليك تار ولا إيه؟
عاصف بصلها وقال بسخرية أه عليا تار وبيستأذنوا علشان ياخدوه.. هروح أفتحلم بقى.
ووقف ولبس قميصه وطلع من غير ما يقفل زرايره وفتح الباب.
اتنهد بضيق لما لقي نيفين في وشوه، اتنهد بزهق وقال حد يخبط كده يا نيفين؟ هي الساعة كام دلوقتي؟
وبصت لنسيم بغضب وقالت قومي فزي يا بت حضريلي الفطار!
نسيم قامت بسرعة وجريت ناحية الدولاب تاخد عبايتها.
عاصف حط إيديه في جيوبه وقال ما البيت مليان خدم يا نيفين، ممكن أي واحدة تحضرلك الفطار يعني.
نيفن كفت إيديها بغضب وهي بتبص لنسيم باستحقار وقالت ودي تفرق إيه عن الخدامات اللي تحت؟! على رجلها نقش الحنا.. أنا عيزاها هي تحضرلي الفطار.
نيفن بصلته بدهشة وقالت يا سلام! وإيه المانع أنها تخدم لحد ما نتأكد من حملها؟ ولا أنت عجبتك ست الحسن؟
عاصف بص لنسيم بوقاحة وقال جداً.. وتعجب أي حد.
نسيم اتسعت عينيها على آخرهم وكان شكلهم جنان من ورا النقاب، عاصف اتنهد وقال أااوووف.. ده كفاية العيون القتالة دي!
نيفن انذهلت من اللي قالو وقالت بغضب بتعاكسها قدامي كمان يا عاصف؟! طيب والله ما أنا قعدالك فيها!
عاصف اتنهد وقعد وبقى يولع سيجارته ببرود وقال طب أبقى خدي الباب في إيدك وأنت طالعة.
نيفن اتغاظت جداً وبصت لنسيم بحقد ونزلت.
إنما نسيم كانت مش فاهمة إزاي قال لمراته كده، وهتتجنن من اللي عمله قدامها، قربت منه وقالت انت عملت ايه؟! روح صالحها.. إفرض مشيت؟!
عاصف أخد نفس من سيجارته وقال ببرود وأفرض يعني؟ هترجع تاني، ولو مرجعتش هو اللي خلقها مخلقش غيرها.
نسيم قالت بدهشة أنت بتقول إيه؟! لو كل واحد قال على مراته كده محدش هيفضل متجوز! أنت مش بتحبها!
عاصف ضحك بسخرية وقال أحبها؟! انتي غلبانة قوي.. جوازي من نيفين جواز اجتماعي مش أكتر، هي بنت كامل باشا رشوان أكبر رجل أعمال في مجالنا، وجوازي منها كان هيعرفني على ناس مهمة وينططني بسرعة، بس علشان كده اتجوزتها.
نسيم كانت بتبصله بدهشة من كلامه وقالت يا سلام! وإيه اللي اتغير؟ أبوها مات؟
عاصف ضحك وقال لا أبداً، بس خلاص مبقتش محتاجه.
نسيم كانت عينيها مفتوحين على آخرهم من كتر دهشتها واستغرابها من كلامه، قالت عاصف باشا هقولك كلمتين ورزقي على الله.
عاصف قال بلا مبالاه أممم.. انجزي بس.
نسيم قالت بهدوء أنت واطي.
عاصف رفع حاجبيه بدهشة، ونسيم قالت أيوه.. متتفاجأش.. وانتهازي وحقير ووصولي، والصراحة مفيش مصطلحات تانية أصف بيها حقارتك! والعمر واحد والرب واحد وإنا لله وإنا إليه راجعون.
قال كده ودخل الحمام، ونسيم اتغاظت وقالت بصوت عالي وسافل كمان يلا بالمرة! وسكتت شوية وهي متغاظة من كلامه وقالت بصوت واطي هو أنا قولتلها إنه بارد ولا نسيت؟
بعد شوية كان عاصف بيفطر مع أمه ونسيم بتفطر معاهم، عاصف قعدها غصب عنها.
سلوى كانت بتبصله وبتبتسم وقالت أحم.. مقولتليش يا عاصف مراتك زعلت ليه؟
عاصف قال بهدوء أبدأ.. غيرة حريم، وأنا معنديش خلق للكلام ده.
سلوى ابتسمت بخبث وقالت آآه.. غيرة! طيب على العموم أنا هرجعها زي العادة متقلقش، أنا كمان جهزت أوضة لنسيم علشان ميبقاش فيه مشاكل تاني.
نسيم ابتسمت بفرحة، وعاصف شرق وبقى يكح.
سلوى