أخت جوزي بقلم جيجى حصريا لمدونة لمحه
أعرفه أنا عند أبويا يا نصار وورقتي توصلني.
وسابت وجمشت هو قاعد على السرير وهي قعدت جمبه على السرير وحطت إيدها على كتفه وقالت أنا مش عايزاك تزعل خالص عادي إنت ما عملتش حاجة غلط ولا حرام ولا حتى عيب. بس قال بانفعال إنتي إيه شيطانة ماشية على الأرض. داليا ليه عملت إيه أنا. نصار عملتي عمل الشياطين فرقتيني عن مراتي بعد ما كنا مبسوطين. داليا يسلام ليه بقى إن شاء الله هو مش ربنا اللي قال عادي أتجوزك هو مش برده اللي قال إن الشرع حل الأربعة ربنا ولا مش ربنا. نصار لا ده مش كلام ربنا ربنا قال نقدر نتجوز أربعة بس في حالة إن إحنا نقدر نعدل ما بينهم بس أنتم أنا ما أقدرش أعدل ما بينكم نهائي لأن هي حبيبتي ومراتي وفي قلبي أنما إنتي أنا مش شايفك أصلا مش مكسوفة وإنتي قاعدة معايا وأنا مش عارف أبص في وشك حتى. وسابها ونزل بضيق وقعد تحت.
تاني يوم الصبح داليا لمت شنطتها وكانت ماشية بس منيرة قالت إنتي رايحة فين تاني بس مش جوزتك نصار زي ما إنتي كنت عايزة سيبي الولد بقى. داليا بقولك إيه أنا كنت عايزة أتجوز نصار عشان عايزاه مش عشان يجي يناملي على الكنبة كل ليلة ويفضل يقولي أصل أخويا أصل مراتي لا يا حبيبتي أنا الحال ده ما يعجبنيش بس عشان خاطر دموعك اللي أنا ما بتحملهمش دول أنا ههديكوا فرصة تانية هرجع أوضتي وهستناه يجي يعتذر مني على الكلام اللي قالو ويصالحني ويكمل جوازنا ولا أنا هاخد ابني وأمشي ومش هتشوفه لابني وش تاني طول عمرك يا ولية إنتي. وطلعت فوق، منيرة قالت إيه اللي أنت عملته دا يا ابني هتمشي تاني. نصار أنا بيتي اتخرب مراتي مشيت وعايزة تطلق واللي فوق دي أنا مش شايفها مراتي هي مرات أخويا أنا مش هقدر أعتبرها غير كده. أمه يعني إيه هتسيبها تاخد الولد وتمشي. نصار خليها تمشي أحسن ما تفضل مسكانا بإيدنا اللي بتوجعنا كدده. أمه بص اهدى أنا عارفة إن إنت زعلان دلوقتي عشان مراتي مشيت اطلع يا حبيبي اطلع صالحها بكلمتين وخليها تقعد وأنا أوعدك أوعدك إن أنا هرجعلك مراتي لغايه باب بيتك بس عشان خاطري قعدها متخليهاش تاخد حسن مني. نصار يعني عشان يفضل حفيدك تلعب بينا الكورة. أمه يا حبيبي لو اخذته أنا مش هشوفه تاني ده الحاجة الوحيدة اللي فاضلالي من محمود والنبي يا نصار مش عايزه يسيبني عشان خاطري. نصار أنا يا ماما هطلع هطلع هشوف حل معاها.
وطلع بس داليا قالت إيه أمك جابتك تاني. نصار لا أنا جيت جيت عشان عايزين حل حل وسط يرضى جميع الأطراف أنا معاكي مش هفضل خدتي الواد ومشيتي خدت الواد وفضلت اعملي اللي إنتي عايزة أنا معاكي مش قاعد شوفي عايزة إيه غيري وأنا معاكي فيه إن شاء الله حتى أجوزك وأشهد على عقد جوازك. داليا مش عايزة غيرك أنا. نصار هديلك نص مليون جنيه ويزورنا بس يومين في الأسبوع. داليا أنا هاخد ابني وأمشي وأما تعقل وتقرر تكمل جوازنا تعال خدني. وأخدت الولد ومشيت. نصار قال سامحيني يا أمي بس والله العظيم مش قادر. أمه معلش يا حبيبي ما حدش بياخد أكثر من نصيبه ده نصيبي الأول اتخد مني محمود وبعدين اتخد ابنو يمكن ربنا مش راضي يسيبلي منه تذكار أنا مش زعلانة منك حقك عليا أنا اللي خربتلك بيتك.
داليا راحت عند أمها وأول ما دخلت جات سما كمان وداليا حكتلها اللي حصل، بس أم داليا كانت ورا الباب بتسمع دخلت ضربت داليا بالقلم وقالت إنتي أرخص واحدة شفتها قاعدة مع واحد مش عايزك بس عشان عاجبك وخاربتي بيت واحدة تانية إنتي لاهتهتني ولا هتعيشي. سما إي دا يا طنط عيب كدا. بس أم داليا مسكت سما من شعرها ورمتها بره وقالت رسولنا عليه الصلاة والسلام قال المرء على دين خليله فلينظر المرء من يخالل.. ودي صحبة لجهنم غوري ومتجيش هنا تاني، وإنتي يا داليا لو متطلقتيش من نصار وخليتي الولد يشوفهم جمعة وسبت لا إنتي بتي ولا تدخلي بيتي ولا تمشي في جنازتي كان هيبقا لابنك عم وليكى أخ رغم إن جوزك مسابش ورث بس كانو بيجيبولكم كل اللي عايزينكم إنت وولدك كان ليكي أخ بس خسرتيه بلاش تخسري أمك كمان. داليا ماما أنا بس. أمها اللي عندي قولو ها هتطلعي من بيتي ولا تبقي بتي لان شكلك دا وتصرفاتك دي ميشرفنيش تكوني بتي. داليا بس دا ابني وأنا حرة. أمها وأنا جدة ولو إنتي اللي متي كان محمود هيجيب الولد يزورني حتى لو اتجوز بعدك يا توديلهم الولد يزورهم وتتطلقي يا تطلعي من البيت ومتخشيهوش حتى في جنازتي.
عند نصار كان مع أمه سمع الباب يخبط راح فتح لقا داليا قال رجعتي تاني ليه. أمها جات تعتذر لكم على كل اللي بتقول كمان إنها من كل أسبوع هتجيب لكم الولد من الخميس العصر لحد السبت بالليل ترجعهولها عشان المدرسة قوليلهم كده يا داليا. داليا أيوه أنا راجعة أقول كدا. أمها يلا حبيبتي اطلعي استنيني في العربية.. أنا عارفة إن بنتي غلطت كان المفروض أتصف من الأول بس أنتم عارفين إن أم برضه ما كنتش أقدر أقولها حاجة زي كده كنت سايباها لدماغها لما لقيتها خلاص هتضيع نفسها أنا اضطريت أقف ضدها طلقها ورجع مراتي وإن شاء الله هتتجوز وتسيبكم ويمكن تسبلكم الولد خالص وتجي تزور هي. نصار ربنا يخليكي يا خالتي حصل خير ورقة طلاقها هتوصلها وحقوقها كلها هتوصلها والولد مصاريفه كلها علينا تعليمه وغيره كمان.
وبالفعل تم الطلاق، ومنيرة راحت مع ناصر ترجعلو نهى اللي كانت قاعدة بضيق، منيرة قالت يا بت إنتي ولية كبيرة وقد أمك وبقالي ثلاث ساعات بتحايل عليكي بقولك عشان خاطري امسحيها فيا إيه ما بتسمعيش. نصار بالراحة يا ماما إحنا جايين نصالحها مش نطفشها وبعدين يعني ما أنا طلقتها ومشتها من البيت يا نهى خلاص. نهى أنا مشكلتي مش في جوازك منها بس مشكلتي إنك كذبت عليا. نصار يا سلام هي دي المشكلة يعني. نهى أيوه أؤمنلك إزاي أنا بعد كدا وبنت كذبت عليا وخبيت جوازك أسبوع بحاله ولو ما قلتلي مكنتش عرفت. نصار طب يا ست حقك عليا عشان خاطري عديها لي أول غلطة ليا دي معقولة تقفلي على أول غلطة ليا وأوعدك أنها آخر غلطها. نهى سكت دهرا ونطق كفرا أول غلطة تتجوز عليا. منيرة مخلاص يا بت بقى إي دا. نصار لا لميها بقى على فكرة أنا أمي خلقها ضيق وجايبها بالعافية عديها بقى. نهى ماشي أنا هرجع معاكي عشان حماتي بس لولا كده والله العظيم ما كنت بصيت في وشك. أمه تسلمي يا حبيبتي ربنا يخليكي بنت أصول
وعارفة الأصول. نصار بغمز يقصد نفسه تحبي أمك إنتي عشان كدا هي بتموت فيكي. نهى آه بحب أمك بجد عشان جابتك إنت وعدتني متكررهاش. نصار وعد أول وأخر كذبة يا نهى يلا بيتنا مستنينا.
ورجعوا سوا وكانت منيرة بتروح تشوف الولد وداليا بتجبوهولهم، ومع الأيام داليا اتجوزت، ونصار ونهى فضلوا مع منيرة في بيتها عشان متبقاش لوحدها وكانوا بيعاملوا حسن كأنه ابنهم وبيجيبوله كل حاجة نفسه فيها واتكفلوا بكل مصاريفه.
