أخت جوزي بقلم جيجى حصريا لمدونة لمحه

مبرق بشدة وهو باصص وراها ودموعه بتنزل وقال بصوت متقطع من الصدمة محمود....
أول ما نادى باسم محمود داليا التفتت لورا بخوف وبصت بس ما لقيتش حد واقف وراها، بصتله لقيت الدموع نازلة من عينيه. قالت محمود مين فين محمود خضتني. نصار أنا شفته كان واقف هنا دلوقت. داليا أمّم هنا فين محمود خلاص مات لو متضايق عشان دي أوضته إحنا ممكن نروح أوضة تانية أوضتك إنت مثلا كدده مراتك مش فيها. نصار لا أوضتي لا.. احم هو أنا ينفع أنام النهارده يعني مرة ثانية. داليا بضيق ماشي. نصار أنا هنام على الكنبة دي. داليا خليك على السرير هو واسع. نصار لا أنا برتاح على الكنبة. وتنهدت بضيق وراحت على السرير وقعدت بس قال أنا عايز أقولك على حاجة أنا ما قلتش لمراتي حاجة ومش هقولها لأنها مش هتقبل الفكرة دلوقت يا ريت يعني ما تعرفش لحد ما أنا أقولها. داليا لا أنا مش هاجيبلها سيرة اللي إنت عايزه أنا هعمله. نصار شكرا.
قعدت بضيق لحد ما نامت صحيت تاني يوم ما لقيتهوش وفضل على الحال ده أسبوع ميقربش منها وأول ما تنام يرجع بيته، داليا قالت مبدهاش بقى. وخدت شاور ولبست ونزلت قالت ابنك فين يا حاجة. منيرة مشي يا حبيبتي راح شغله. داليا آه طب أنا رايحة عند أمي خلي الولد معاكي. منيرة ماشي يا حبيبتي.
راحت عند أمها اللي قالت بضيق مراتحة بعد ما اتجوزتيه. داليا خشي يا أما اعمليلي عصير اتصلت بسما صاحبتي أنا قلتلها تجي عشان نقعد شوية روحي افتحيلها أهي وصلت. أمها سما أنا متاكدة أن ما فيش حد ورا الكوارث اللي بتعمليها غيرها. وفتحت وقالت أهلاً بالست سما هانم اتفضلي اتفضلي يا نسل الشيطان على الأرض أقعدي وأفضلي سلطي فيها لحد ما تخرب باقي حياتها. وسابتهم ودخلت، سما قالت هو في إيه أمك مش بلعاني ليه. داليا أمّي مش بلعاني أنا شخصيا، المهم عايزة أحكيلك اللي حصل.. بقولك نام على الكنبة إيه محتاجة شرح. سما هو إنت مش لبست الروب اللي أنا اشتريتهولك. داليا أيوه قال إيه شاف أخوه في الأوضة وكل ما يجي يقرب يشوفوه. سما عنده حق حد كدده يتجوز كمان في نفس الأوضة ونفس السرير. داليا ما أنا قلتله نروح أوضته وما رضاش. سما يمكن مخلص لمراته. داليا هو مش عايزني أصلا بس أنا عايزاه وحطيته في دماغي وهيعمل اللي أنا عايزاه مش بس كده أنا هخليه يعلن جوازنا من ما بيني أنا وامه لحد ما كل الناس تعرف ويقولوا عني أنا مرات الدكتور نصار ما أنا مش هفضل متجوزة كده في السر كتير. سما غلط وعمره ما هيحصل طالما هو خايف من مراته لا تعرف. داليا يعني إيه. سما يعني طالما هو خايف من مراته لا هيقرب منك ولا هيقول أي حاجة خالص ولا هيقول قدام الناس إن إنتي مراته هيخاف الخبر يوصلها إنتي عارفة الناس ما بتصدق تلاقي سيرة تلك فيها. داليا أيوه يعني إيه. سما يعني لو عايزاه يبقى ليكي تعرفي مراته هتعمل حاجة من الاثنين؛ يا هتفضل معاه وإنتي تطلعي وتظهري قدام الكل مرات الدكتور نصار زي ما إنتي عايزة وساعتها الخوف هيخف عليه وهيعرف يبات معاكي لحد الصبح بدل ما هو بيتهرب في نص الليل زي الحرامية بحجة متأخر عليها في الشغل وهيقسم الأيام بينكم، يا أما بقى الحل التاني تروح وتريح تطلب الطلاق وما يبقاش في غيرك على الحجر.. اخترت أنهي واحدة فيهم هتفضلي كده ولا هتعرفيها. داليا هو قالي إنها ما تعرفش حاجة وأنا قلتلو مش هقول واتفقنا. سما طب ما في حاجات كتير أتفقتوا عليها وما اتعملتش ما جتش على دي يعني، بعدين يا غبية ما تخليهاش تعرف منك إنت.. يعني مثلا أنا معايا رقم تاني غير اللي بتصل عليكم بيه ابعتلها بيه رسالة إن جوزك مش في الشغل جوزك بيخونك تقوم جارية بقى على العنوان اللي إحنا هنبعتهولها اللي هو بيته أول ما تدخل بقى وتلاقيه معاكي هعملها الهليلة والبوليلة يبقى هو هيقولها إن هو اتجوزك ساعتها بقى يا أما هترميلو الدبلة وتمشي يا أما بقى هتقعد معاكم ومش بيبقى خايف لتعرف وهيقسم الأسبوع بينكم ها قولتي إيه أعرفها. داليا أعرفها معرفهاش ليه نعرفها والليلة كمان.
ومشيو، وبالليل راح نصار أوضة داليا وفعلا سما بعتت رسالة لنهى محتواها جوزك بيخونك مع مرات أخوه وهو في أوضتها دلوقت فاعل خير. نهى بصت للرسالة بصدمة ولبست وراحت على البيت بتاع داليا، نصار كان راح عند داليا وقالت هتنام برضو ع الكنبة زي كل ليلة. نصار ليه بتعملي كدا قاصدة تفرقيني عن نهى ولا في حاجة تان. داليا نهى مش في بالي إنت بس اللي في بالي وأنا دايما باخد اللي في بالي. نصار بس أنا مش فستان يا داليا أنا مش قادر شايف أخويا بينا وشايف مراتي اللي بتطلبيه صعب فاهم إنك صغيرة وعايزة تعيشي وأنا معنديش مشكلة أتجوزي بس سيبيلنا الولد أو حتى يزورنا جمعة وسبت. داليا تؤ هتقدر إنت لو عايز تكمل جوازنا هتقدر. نصار مقدرش إنتي مرات أخويا وأنا مش شايفك غير كدا ولا هشوفك. داليا أخوك مات وأنا مراتي أفهم بقى. نصار المطلوب أنا مش هقدر أعمل كدا أبدا إي الحل هنفضل كدا لأمتى أنا كذبت على مراتي كل ليلة بسببك. وهي هبلة ومصدقة قالتها نهى وهي بتعيط من وراهم، نصار بصلها وقال نهى إنتي عرفتي ازاي. نهى هو دا المهم بتخوني ومع مرات أخوك. داليا لا يخونك إي أنا مراته على سنة ربنا ورسوله اتجوزنا من أسبوع وإنتي نايمة على ودانك. نهى كمان متجوزها ومن أسبوع. نصار والله ما لمستها أنا بس اتجوزتها عشان الولد.. والله يا نهى والله العظيم مقربتلها. نهى بس اتجوزتها وخبيت عني والاصعب إنك كذبت عليا واللي يخليك تكذب أسبوع يخليك تكمل في كدبك يا نصار. نصار متسيبينيش أنا بحبك يا نهى. نهى لا لو كنت فعلا بتحبني مكنتش تكذب عليا أسبوع وتفهمني إنك في الشغل متأخر لأنه اتراكم عليك في موت أخوك وأنا زي الغبية أفضل مستنياك ترجع كل ليلة قاعدة مستنية ترجع من حضن الهانم. نصار والله عشان حسن أمي مكنتش عيزاه يبعد عنها. نهى لو كنت جيت صارحتني كان ممكن أسامح بس تكذب عليا أؤمنلك إزاي أنا بعد كدا بعد ما خدت أسبوع كامل تضحك عليا فيه وأبقى في نظرك ونظر أمك ونظر مراتك التانية الهبلة اللي عايمة في مية البطيخ ومش دريانة إن جوزها اتجوز عليها طلقني يا نصار. نصار مقدرش إنتي مراتي. نهى لا أنا مرات نصار اللي عمره ما كذب عليا قلتلك عينها منك قولت زي أختي بلاش جنان فاكر أنا اتجوزت نصار اللي عمره مايكذب إنت شخص تاني معرفوش ولا عايزة