جوزي ضربني

شخطت فيه برااااااااااااااا.
وفضلت أزوقه لحد ما طلعته من الباب وهو عمال يعيط وطردته بره وقفلت الباب. ودخلت وفضلت أعيط ع السرير لحد ماهديت وابتديت أفكر، أول الخيط ان صباح هيا اللي عملت الموضوع ده فيا أو ضحي أو الاتنين مستبعدش مهما عجينه واحده، بس الأكيد انهم كانو عارفين ان اننا وكريم عايشين مع بعض زي ألاخوات، أكيد عرفو مهو مش معقول هيعملو كده وهما عارفين اني متجوزاه مهي أي واحده بتحمل.
قررت أني لازم اروح للبت بتاعت المعمل وهجيب قرارها وهعمل بلاغ بكل حاجه لو متكلمتش وده اللي خطته فعلا، بس كنت تعبانه ومش قادره اتحرك. وعدت أيام وانا بتعافي وكريم ف محاولات كتير انه يصالحني، وكل يوم يتخانق هو وباسم والخناقه تهدي لحد ما مسكو في بعض وصوتهم كان عالي وصباح واقفه تصرخ، فطلعت وفضلت أشد ف كريم واتعورت ف أيدي بسببه، ساعتها بس سابو بعض.
وطلع عمي ساعتها ولأول مره أشوفه كده، نظرة غضب كأنه مش عمي اللي طول حياته ف لامبالاه وبياخد أوامره من صباح. أول ما صباح شافته جريت عليه إلحق ولادك يا أحمد.
زقها وهو بيقول دلوقتي خدتي بالك ان ولادك؟ دلوقتي حسيتي بالكره اللي ف قلوبهم؟ مانتي السبب.
بصتله ومتفاجئه انا السبب يا احمد؟
اه انتي السبب ف كل بلوه دخلت البيت ده من زماااان اوي، انتي السبب ف تحريضي علي أبويا لدرجة مات وهو زعلان مني، انتي السبب ف خسارتي لأخواتي، انتي السبب ف كرهنا لبعض، فكراني مش عارف انك كنتي بتحبيه وكان نفسك هو اللي يتجوزك؟ فكراني مش عارف انك نزلتيله البيت وطردك زي الكلبه بره ومقدرتيش تسكتي ازاي طبعا يرفصك برجله، تقومي توقعينا ف بعض وتلفقيله بلوه؟ ساعتها كنت هعمل اي لازم اعمل نفسي مش عارف هقول ايه مراتي بتحب؟ انتي السبب.
ههه انا السبب؟ بعد كل ده انا السبب؟ اخدتك دلدول ماشي ف ديل أبوك وملكش كلمه برياله، خليتك راجل ونضفتك بعد ما كنت جلنف عرفتك أزاي تفكر وتاخد حقك ويبقي عندك بدل الجنيه ألف، جبتلك عزوه رجاله يسدو عين الشمس، روحت اتجوزت عليا وقولت ماشي وماله، جيت عليا وقرفتنني ف عيشتي كل اما اجي ابصلك ولا تقرب مني اقرف وابقي هموت ومع ذلك استحملت عشان عيالك عشان أخليك حاجه وعش...
قاطعها ومسكها جامد وقال عملتي كل ده عشان نفسك مش عشان حد، عشان النقص اللي عندك يابنت الناقص، عشان ازاي فلانه احسن منك، تروحي لمشيخ تعملي عمل لناس نيتك تخربي بيوتهم عشان النقص اللي عندك، تقعدي وتخططي مليون خطه ف دماغك تخربي بيها بيوت وتقومي بيها ناس علي ناس عشان مصلحتك، حتي أخواتك كرهوكي وقفلو بيبانهم ف وشك.
مش محتاجله لحد هنا بيتي وكل حاجه ملكي.
ههههههههههه امك ف العشه.
لاياحبيبي أمك انت، انت ناسي التوكيل العام اللي عملتهولي من سنه؟
وقتها كنت فوقت ومعدتش بريل زي زمان وخلاص لغيت التوكيل، اومال كنت جايب المحامي ليه؟ فضلتي سنين تدحلبي عاوزه تورثيني بالحيا عاوزه فلوس وبيوت وعماير يابنت المقشف تاخدي شقه وتعب أبويا وأخواتي وتعبي.
يعني اييييييييييي؟
نفض أيدها وزقها ع الأرض يعني انتي طالق بالتلاته يا صباح، وأكراما لعيالي بس هسيبك قاعده ف البيت ده لحد ما تجيلك غوره تاخدك.
قامت من الأرض وهترفع أيدها عاوزه تمسك فيه راح رازعها بالقلم اتفوووو عليكي وعلي أي حرمه تشبهك، علي اللي يربي حيه ف بيته توقع بينو وبين أخواته، علي أي حرمه تمشي جوزها علي كيفها واي راجل يمشي ورا حرمه زباله زيك، إلهي ربنا كان خدني يوم ما وقعت فيكي.
وشخط فينا كلنا كل واحد يروح علي شقته مشفش حد هنا، سيبوها لوحدها لحد ما ربنا يجحمها يلاااااااااااا.
انا خرجت وكريم ورايا وضحي وهي طبعا مسكتتش وفضلت تهبهب، انا نزلت علي شقة جدي مش عارفه أفرح ولا أزعل. شويه ولقيت عمي نازل وواخد شنطه معاه وكريم نازل وراه وعمال يمسك فيه يمنعه يمشي بس عمي مرضيش يرجع ومشي معرفش راح فين بس سمعته قال انو راجع انو بس محتاج وقت يقعد لوحدو وقال خلو بالكو من بعض.
والبيت كله بقي متوتر مش طايقه أشوف حد، وكريم كل اما أشوفه اشتمه وهو مش راضي يطلقني، بس صحتي اتحسنت وقررت بقي أروح للمعمل وأعرف الحكايه كان لازم أروح قويه عشان متستهفأنيش. لبست وخرجت لقيت كريم ف وشي
رايحه فين؟
ملكش دعوه.
غرااام رايحه فين بقولك؟ ومسك أيدي جامد.
ايه هتضربني كمان مره ولا حاجه؟ اتفضل اهو وبردو مش هقولك.
هدي وبصلي بحنيه طب بس رايحه فين قوليلي وانا هسيبك.
لأ ولأ يعني لأ.
طب خلاص هاجي معاكي.
بردو لأ.
غرااام انتي مراتي فاهمه يعني حقي أعرف راحه فين وامتي وليه.
ههههه مراتك ده كان زمان انت بالنسبالي خلاص مت يا كريم مت، وكلها مسألة وقت وأخلص منكو ومن بيتكو وقرفكو ووسع كده بقي عديني اوووف.
وسبته وخرجت وانا عارفه انه هيجي ورايا، وروحت المعمل ولقيت البت قاعده على المكتب لوحدها، اول ما شافتني وشها قلب واتنفضت اييا حلوه مالك اتخضيتي ليه؟ الا قوليلي فين المدام اللي كانت معاكي المره اللي فاتت؟
مد مدام كوثر