جوزي ضربني

رمي ف خلقتي اكل وغصب عليا اكل قدامه، وبعد ما خلصت جرني لمكاني ف الأرض وسابني. ف نفس اليوم ده قومني وخلاني اخد دوش بس طبعا بكل خطوه قلم، واستحميت وفوقت شويه، وأما خرجت سمعت صوت زعيق جامد ع السلم، صوته وصوت باسم. جريت ع الباب افتح أو اسمع بس مفيش فايده حابسني. حسيت بالباب بيتفتح ودخل ورزع الباب وراه، وباسم عمال يزعق وجري وراه وفضل يخبط جامد ع الباب
افتح يا كريم افتح متبقاش مجنون طب علي الله تهوب ناحيتها وانا قسما بالله هتدفنك.
وسابني وخرج لما فش غلو.
ف نفس اليوم بليل، لقيته داخل الاوضه بس مش طبيعي، سحبني من ايدي وقفل الباب وراه ففضلت اصرخ وهو لما لقاني كده اتعصب. حاولت اتعدل واتعدلت وفضلت اعيط وصوت عياطي يعلي وهو حتي مبصليش، سندت وانا منهاره من العياط بحاول اقوم، وقفت وفضلت أسند ع الحيطه عشان أخرج من الاوضه
كريممم.
بصلي وبعدها حسيت اني لساني تقل مبيتحركش والدنيا لفت بيا ووقعت ع الأرض وزغلله بس انا شايفاه قدامي، وغمضت عيني وانطفي اخر نور.
محستش بالدنيا وراح النور من عيني ومبقتش شايفه غير طشاش، وفوقت وانا ف المستشفي مش قادره اتحرك وحاجه متعلقه ف ايدي متقلاها وكانت عيني مزغلله. ابتديت افتح واحده واحده وانا هموت من التعب، متعلق ف أيدي كالونة، حاولت اقوم اقعد واسند ضهري. كان في كرسي ف الاوضه بصيت عليه لقيت كريم نايم، صعب عليا بس خلاص اللي يصعب عليك يفقرك.
ودخلت ممرضه واول مابصتلي ابتسمت وقالت اخبارك أي النهارده شكلك أحسن؟
اه الحمد لله كويسه.
ياااه وكنتي خلاص بتخلصي ومحتاجه نقل دم، الأستاذ ده لحد دلوقتي واخدين منو كيسين دم ومش راضي ياكل ولا يشرب ولا يتحرك من مكانه، هو ممشيش بقاله اد اي.
راحت ناحيته يا أستاذ يا أستاذ.
قام اتنفض وهو بيبص عليا وبص للممرضه وهو مفزوع، قالت اهدي يا أستاذ معلش فزعتك المدام فاقت اهي.
هز راسه وهو بيبصلي، وحد نده عليها فقالت هخرج ثواني وراجعه.
وخرجت الممرضه، قام وقرب مني وهو باين عليه حزين وعلي وشه الأسي، وجه وقعد جمبي علي طرف السرير وبيمد أيدو يمسك أيدي وهو بيقول حمدالله ع السلامه.
سحبت أيدي بسرعه وبصيت الناحيه التانيه، قال بصوت مبحوح انا عارف انك زعلانه وحقك بس خلينا نخرج من المستشفي انا مش متحمل وجودك هنا وانك بتتألمي.
بصتله والدموع ف عيني وبصوت قوي قولت انا هنا بسببك ومش هنسي ابدا اللي عملتو فيا ولا حتي بعد سنين، فبلاش النظره اللي ف عنيك دي ووفر كلامك.
ارجوكي يا غرام.
ارجوك انت اتفضل مش عاوزه اشوفك، اتفضل اخرج يلا.
فضل باصص وساكت.
اخرج بقولك.
وقام وخرج من الأوضه وفضل واقف برا.
وانا خلصت كيس الدم وعملولي تحاليل بس كنت لسه تعبانه فقالو مش هيخرجوني دلوقتي. وف نفس اليوم جه عمي وباسم وسعد وضحي بس صباح مجتش معاهم، دخل عمي وكان علي وشه نظرة لهفه الف سلامه عليكي يا غرام يا بنتي انشالله اللي يكرهك ينقطع ايدو اللي عمل فيكي كده.
وبص لكريم وقال نخرج بس من المستشفي وانا هربيك من أول وجديد.
كريم بصله وهو حزين.
باسم بغضب حسابك معايا انا انك تعمل فيها كده حسابك معايا عسير.
كريم بغضب اتكلم علي أدك وانت السبب ف كل البلاوي اللي احنا فيها ربنا ياخدك يا أخي، انا اللي قولتلك تشك فيها؟ يا بجاحتك ولا بتقول بتحبها، انت كنت عاوز بس تاخدها عشان غيران مني، طول عمرك وعينك ع الحاجه اللي انا بحبها.
متلم نفسك انت بتتكلم علي مراتي، صدقني بعد اللي انت عملتو هتطلقها بالذوق بالعافيه هتطلقها.
طب اسكت بقي احسن والله مهتخرج من هنا وهروح فيك ف داهيه.
عمي شخط فيهم حلو اوي وانتو قاعدين تقلو أدبكو علي بعض وانا قاعد وتهددو بعض.
كريم خليه يبعد.
باسم حاااااضر بس لحد منخرج من هنا ونطمن علي غرام.
كل ده وانا قاعده اتفرج عليهم، خلاص مبقاش يهمني كريم ولا باسم ولا أي حد، انا غلطت فعلا اما افتكرت ان البيت ده هيخرج منه حد نضيف. وخرجت من المستشفي واحنا داخلين البيت انا وهو، مطلعتش معاه، وقفت وقولت مش هطلع فوق انا هدخل بيت جدي.
كريم غرام لا انتي هتطلعي شقتك.
مبقتش شقتي، انا هدخل شقة جدي اقعد فيها مؤقتا لحد ما ربنا يسهل.
طب هدخل معاكي.
لأ اطلع شقتك، عن أذنك هات المفتاح من فوق.
غرام والنبي متعملي فيا كده.
هات المفتاح بقولك أحسن والله أبات ف الشارع وميهمني.
طلع فعلا جابلي المفتاح، ودخلت ومعرفتش امنعه يدخل فضل واقف ويشد ف أيدي ويبوسها ويبكي غرام أبوس أيدك سمحيني، غرام قدري موقفي.
انت هتبقي ف حياتي زي الكلب لحد ماتغور ف داهيه، مش ده كان كلامك ليا مش ده اللي قولتو؟
غرام والله مكنت ف وعيي انا اتجننت.
بس فضل يصرخ انو محصلش وانو وحتي بعد ماقال كده مصدقتش، ضيعتني وضيعت كل حاجه حلوه كنت شيلهالك انا بكرهك يا كريم بكرهك.
غرام متقوليهاش لو سمحتي.
طلقني لو عندك ذرة نخوه أو رجوله طلقني، انا مش هعيش معاك وحد الله بين وبينك.
فضل يعيط زي العيال بس جوايا مرار من اللي عملو فيا،