ضيفة تلات شهور بقلـم حكايات منـال علي

ضيفة تلات شهور بقلم حكايات منال علي
حماتي قررت إن بنت أختها تعيش معانا تلات شهور ولما رفضت، جوزي حطني قدام أمر واقع!!!!!!!
أنا اتجوزت من شهرين بس. ويمكن من أكتر الحاجات اللي كنت فرحانة بيها بعد الجواز، إني حسيت إن ربنا عوضني ببيت هادي وجوز كويس. أنا وجوزي كنا متفاهمين، ولو اختلفنا في حاجة بنتكلم ونخلصها من غير خناق ولا زعيق. حتى مشاكلنا الصغيرة كانت بتعدي بسرعة، وكنت كل يوم بحمد ربنا إني أخدت الشخص اللي ارتحت له. بيتنا كان صغير، بس بالنسبالي كان أجمل مكان في الدنيا. كنت لسه بظبط فيه حاجاتي، وكل يوم بحط لمسة جديدة، وبحاول أخليه شبهنا إحنا الاتنين. كنت لسه عروسة، ولسه بحس إن كل حاجة في حياتي بدأت من جديد.
لحد من حوالي أسبوع، وأنا قاعدة في بيت حماتي، قالتلي بمنتهى الهدوء بنت أختي هتيجي تقعد عندكم كام شهر. بصيتلها وأنا فاكرة إني سمعت غلط. عندنا إحنا؟ قالتلي عادي جدًا أيوه، عندكم. هي لقت شغل في المحافظة اللي إنتوا ساكنين فيها، وهتفضل هناك حوالي تلات شهور.
سكت شوية، وبعدين سألتها طب ما هي تروح وتيجي؟ ردت بسرعة يا بنتي المشوار أقل من ساعة، بس ليه تتعب نفسها كل يوم؟ تقعد عندكم أريح. أنا حاولت أبتسم، وقلت بس أنا وجوزي لسه متجوزين من شهرين. قاطعتني ما أنا عارفة يا حبيبتي، وهي مش هتفضل عندكم العمر كله. تلات شهور ويخلصوا.
طريقتها وهي بتتكلم خلتني أحس إن الموضوع خلص. مش بتسألني. مش بتاخد رأيي. هي بس بتبلغني بحاجة قررتها. رجعت البيت وأنا دماغي مشغولة. أنا أصلًا بنزل شغلي كل يوم، وباخد تقريبًا نفس مدة المواصلات اللي بنت أختها هتاخدها. يعني لو أنا بقدر أروح شغلي وأرجع، هي ليه ما تقدرش؟ وليه لازم بيتنا إحنا بالذات؟
قعدت مستنية جوزي يرجع، وأول ما دخل، استنيت لحد ما غير هدومه وأكل، وبعدها قلتله بهدوء مامتك قالتلي إن بنت خالتك هتقعد عندنا تلات شهور. بصلي وسكت. وده لوحده خلاني أقلق. إنت عارف؟ هز راسه أيوه. ومن إمتى؟ قال من كام يوم.
اتضايقت جدًا. مش عشان بنت خالته بس، عشان إنه كان عارف وأنا آخر واحدة تعرف. قلتله طب وإنت وافقت؟ اتنهد وقال الموضوع مش بالشكل ده. أومال إيه شكله؟ سكت شوية وبعدين قال ماما وخالتي اتكلموا معايا، وأنا مقدرتش أقول لأ. ضحكت من الصدمة مقدرتش؟ أيوه. إنتِ عارفة العيلة عندنا عاملة إزاي. وأنا مالي بالعيلة؟ ده بيتنا إحنا! بصلي وقال لو رفضنا، الموضوع هيكبر. وكلهم هيعرفوا، وممكن يقاطعوني.
حسيت وقتها إن الكلام مش داخل دماغي. يعني إحنا اتجوزنا عشان نعمل بيت وحياة سوا، وفي أول شهرين من جوازنا، مش قادرين ناخد قرار يخص بيتنا؟ قلتله وأنا؟ رأيي فين؟ قال أنا مش ضدك، بس مش عايز أخش في مشاكل معاهم. وأنا مش عايزة أخش في مشاكل مع حد، بس مش موافقة إن واحدة تيجي تعيش معانا تلات شهور. سكت. فقلتله وبعدين إنت عارف...
بصت لنا الاتنين، وسكتت ثواني وابتسمت ابتسامة باردة خلت الډم يتسحب من وشي، وقالت أنا استقلت من شغلي القديم يا حبيبتي، ونقلت هنا نهائي بعقد مفتوح وخالتو قالتلي البيت بيتك، وما تطلعيش منه إلا على بيت عدلك! الكلمة نزلت عليا زي جردل مية تلج. بصيت لجوزي مستنية منه أي رد فعل، أي كلمة توقف المهزلة دي. لكنه فضل واقف مكانه، وشه مخطۏف، وبيفرك في إيديه بتوتر غريب. بلعت ريقي وسألتها بصوت حاولت أخليه ثابت يعني إيه؟ يعني إنتِ جاية تعيشي معانا على طول؟
ردت وهي بتشاور للراجل اللي طالع بالشنط يدخلهم الصالة يا بنتي ما تكبريش المواضيع بقى، إحنا أهل! وخالتو أصلاً قالتلي إن الشقة دي وسيعة، وإنها من حقنا كلنا، وإنتِ بتنزلي شغلك طول النهار وأنا هبقى ونس للبيت... ولا إنت مش شايف كده يا طارق؟ بصتلها وهي بتنطق اسم جوزي بدلع مستفز، مستنية أشوف طارق هيقول إيه. طارق اتنحنح، وبص في الأرض وقال بصوت واطي طب... طب ارتاحي دلوقتي يا ريهام، وبعدين نبقى نتكلم في التفاصيل دي.
ريهام ابتسمت بانتصار، ودخلت أوضتها وقَفلت الباب وراها. أول ما الباب اتقفل، سحبت طارق من دراعه ودخلنا أوضتنا وقَفلت الباب بالمفتاح. كنت برتعش من كتر الڠضب. طارق! إيه الهبل اللي بيحصل ده؟! دي بتقول مش ماشية! مامتك باعتها تعيش معانا على طول وإنت واقف تتفرج؟! طارق مسك راسي بإيديه وقال بنبرة ترجي وطي صوتك بس عشان خاطري، البت سامعة برة وهتعملنا ڤضيحة! ڤضيحة؟! ڤضيحة إيه؟! أنا اللي بيتي بيتداس وبتقولي وطي صوتك؟!
اتنهد بقلة حيلة وقال جملة خوفتني أكتر أمي... أمي بتلوي دراعي يا منال. سكت، وبصيتله بذهول يعني إيه بتلوي دراعك؟ سكت شوية وعينيه بتهرب مني، وبعدين قال الشقة دي نص تمنها أمي دافعاه من فلوس ورث خالتي. وخالتي دلوقتي بتضغط عليها عشان ريهام تستقر هنا، وأمي قالتلي لو فتحت بؤي أو طردت البنت، هتطالبني بالنص التاني كاش أو تبيع نصيبها لأي حد!
حسيت الدنيا بتلف بيا. وإنت ليه ما قولتليش الكلام ده قبل ما نتجوز؟! ليه حسستني إن الشقة دي ملكنا وإحنا اللي دافعين فيها دمنا؟! عشان ما أوجعش دماغك!