رجعت بدري من اجتماع شغل

اللي عنده غمازة شافني وقالی
ماما مين ده؟ طليقتي قالت
ده واحد كان يعرف ماما زمان.
الولد قرب مني
عندك زيي؟ وشاور على خده. ضحكت وأنا بعيط
أيوه عندي زيك. البنت اللي عندها عيني قالت
ماما هو ليه بيعيط؟ طليقتي قالت
عشان افتكر حاجة ضايعة منه. الولد التاني قال
إيه اللي ضاع؟ طليقتي بصتلي
4 حاجات غاليين أوي.
5. الحضانة
طليقتي قالت
عايز تشوفهم بجد؟ تعالى الحضانة بكرة الساعة 10. بس مش كأب.. كمتطوع. عايزة أشوف هتعرف تبقى أب ولا لسه عايز وريث.
تاني يوم رحت؛ لابس بسيط مش بدلة. دخلت الحضانة بتاعتها، ال 4 كانوا قاعدين بيلعبوا. قعدت على الأرض، الولد أبو غمازة جابلي مكعبات
ابني برج. بنيت برج، وقع، ضحك. البنت اللي شبهي جابتلي رسمة
دي ماما.
ومين ده؟ شاورت على راجل مرسوم بعيد.
ده مفيش.
الكلمة وجعتني
مفيش؟
ماما قالت بابا مسافر. الولد التاني قال
مسافر بعيد أوي.
فضلت قاعد معاهم 3 ساعات؛ ألعب، أشيل، أحضن، لحد ما حسيت يعني إيه أب.. مش وريث، أب.
6. طليقتي قالتلي الحقيقة
بعد ما الأطفال دخلوا يناموا في أوضة الحضانة، طليقتي قالتلي
عايز تعرف أنا عديت بإيه؟
قولي.
لما عرفت إني حامل في 4 الدكتور قال الحمل خطر، ولازم راحة 6 شهور. كنت لوحدي؛ لا جوز ولا أمك اللي كانت بتعايرني كل أحد. كنت بشتغل من البيت عشان أدفع الإيجار. ولما ولدت.. ولدت لوحدي، أمي هي اللي جت. إنت كنت فين؟ كنت بتدور على واحدة تجيبلك الوريث.
أنا آسف.
آسف مش هترجع 5 سنين. ولادي كبروا من غير ما يسمعوا كلمة بابا.
اديني فرصة.
فرصة إيه؟ تبقى أب يومين وتزهق؟
لا.. أبقى أب بجد. الأبوة مش بالدم، الأبوة بالوجود. إنت مكنتش موجود.
هبقى موجود من دلوقتي.
سكتت.. هتثبت إزاي؟
قوليلهم إني أبوهم.
مش بالسهولة دي. دول 5 سنين فاكرين إن أبوهم مسافر. لو قلتلهم أبوهم جه ومسافرش هيتصدموا. لازم يحبوك الأول.. وبعدين يعرفوا.
7. الاتفاق
اتفقنا آجي كل يوم الحضانة، ساعة، ألعب معاهم من غير ما أقول إني أبوهم، لحد ما يحبوني، وبعد 3 شهور لو استمريت هتقولهم. وافقت.
وبقيت آجي كل يوم؛ أسيب اجتماعاتي، أسيب شغلي، وأقعد على سجادة ملونة أبني برج مكعبات ويقع ونضحك. والولد أبو غمازة بقا يقولي عمو تعال بكرة؟، وبعد شهر بقا يقولي عمو متتأخرش، وبعد شهرين البنت اللي شبهي نامت على كتفي مرة وقالت عمو ريحتك حلوة زي ماما بتقول بابا كانت ريحته حلوة.. عيطت.
8. اليوم اللي عرفوا
بعد 3 شهور، طليقتي جمعت ال 4
عايزة أقولكوا حاجة.. فاكرين بابا اللي مسافر؟
أيوه.
بابا رجع من السفر.
ال 4 بصوا لبعض. الولد أبو غمازة بصلي
هو ده؟ طليقتي هزت راسها
أيوه. البنت قالت
يعني مش عمو؟
لا.. بابا.
الولد سكت، وبعدين قام جه حضني
بابا كنت فين؟
كنت تايه يا حبيبي.. بس خلاص لقيت الطريق.
ال 4 حضنوني، وأنا حضنتهم؛ 5 سنين حضن متأخر.
9. النهاردة
النهاردة ال 4 بقوا عندهم 5 سنين ونص، بيباتوا عندي يومين في الأسبوع في شقتي اللي كانت فاضية وبقت مليانة لعب ومكعبات ورسومات. بابا.. بقوا يقولوها.
وأمي؟ جت مرة تشوفهم، طليقتي قالتلي لو عايزة تيجي كتيتة تيجي.. بس مش كحماة، كتيتة. أمي شافتهم عيطت وقالت دول شبهك، قلتلها آه شبهي.. وكنت هضيعهم عشان كلمة منك. وأبوهم؟ أنا بقيت أب، مش عشان الوريث، عشان بحب. وبقيت كل يوم قبل ما أنام أبص لصورة السونار اللي كانت في الظرف، ال 4 نقط.. اللي بقوا 4 ضحكات في بيتي، وكلمة بابا.
1. أول ليلة يباتوا عندي
بعد ما عرفوا إني أبوهم بأسبوع، طليقتي وافقت يباتوا عندي أول مرة. كنت مرعب؛ الشقة اللي كانت إزاز وخشب غالي بقت فجأة محتاجة تبقى بيت. جريت اشتريت 4 سراير صغيرة نفس الشكل، سجادة ملونة زي بتاعة الحضانة، مكعبات، ألوان، قصص، وعملت أوضة واحدة ليهم كلهم عشان ميخافوش.
الساعة 7 الباب خبط، فتحت؛ ال 4 داخلين طابور، كل واحد شايل شنطته الصغيرة، وراهم طليقتي
دول هدومهم، ودول فرش سنانهم، وده دوا الكحة لو حد كح، وده رقم الدكتور.
حافظه. ولو حد صحي بالليل هشيله، ولو..
قطعتها متقلقيش.. دول ولادي.
بصتلي لسه بتتعلم.
هتعلم بسرعة.
مشيت وقافلت الباب، وبقيت أنا وال 4 لوحدنا لأول مرة.
2. الساعة 2 بالليل
الساعة 9 ناموا. الساعة 10 صحي واحد عزز مية، جبلوه. الساعة 11 واحد تاني عايز أروح الحمام، وديته. الساعة 12 البنت اللي شبهي
بابا فين ماما؟
ماما في بيتها، هتيجي بكرة تاخدكوا.
إنت هتمشي؟
لا أنا قاعد هنا.
متنمشيش زي المرة اللي فاتت.
الكلمة دي.. متنمشيش زي المرة اللي فاتت.. مين قالها؟ طليقتي أكيد كانت بتحكيلهم.
مش همشي يا حبيبتي، أنا هنا نايم جنبكوا على الأرض.
وفعلاً فرشت بطانية ونمت على الأرض جنب سرايرهم. الساعة 2 الولد أبو غمازة صحي
بابا؟
أيوه يا حبيبي.
إنت بجد بابا؟
أيوه بجد.
طب ليه كنت مسافر كتير؟ معرفتش أرد
كنت بشتغل بعيد.
وماما كانت بتعيط؟
أوقات.
عشانك؟
أيوه عشاني.
قام من سريره، نام جنبي على الأرض
طب متسافرش تاني.. خليك نايم هنا. حضنته
مش مسافر.
ونمنا على الأرض؛ أب وابنه، أول مرة من 5 سنين.
3. أمي جت من غير ميعاد
تاني يوم طليقتي جت تاخدهم، لقتنا نايمين على الأرض وال 4 حواليا، ضحكت وصورتنا؛ أول مرة أشوفهم نايمين هاديين كده من غير ما حد فيهم يصحى يعيط. قلتلها عشان كنت نايم جنبهم، قالت ماهو ده اللي كان ناقصهم.. حد ينام جنبهم.
لسه بيتكلموا، الباب خبط، فتحت؛ أمي جايبة شنط
جيت أزود أحفادي. طليقتي بصتلي
قلتلها تيجي؟
لا والله.
أمي دخلت، شافت ال 4
يا حبايبي يا ولاد.. ال 4 استخبوا ورا طليقتي ميعرفوهاش. الولد قال
مين دي؟ أمي قالت
أنا تيتة. البنت قالت
إحنا عندنا تيتة واحدة.. تيتة ماما.
أمي بصتلي مكسوفة. قلتلها
ماما دول ميعرفوكيش، بقالهم 5 سنين ميعرفوش غير تيتة واحدة.
ما أنا جيت أتعرف. طليقتي قالت بهدوء
تيجي تتعرفي كتيتة.. أهلاً وسهلاً. تيجي تقولي دول شبه العيلة ولازم يتربوا في بيت العيلة زي زمان.. لا. أمي قالت
أنا غلطت، عارفة إني غلطت.
غلطتك مش معايا، غلطتك معاه هو شاورت عليا ومعاهم هما.. ضيعتي منهم 5 سنين.
أمي قعدت على الأرض
طب ادوني فرصة. الولد أبو غمازة قرب بص لها
عندك غمازة زينا؟ أمي ضحكت
لا.. الغمازة دي عند أبوكو بس.
طب بتعرفي تبني برج؟
بعرف.
وقعدت تبني معاهم، وأنا وطليقتي بصينا لبعض.. أول مرة من 6 سنين نبص لبعض من غير عتاب.
4. المدرسة
بعدها بشهر كان لازم نقدم لهم في المدرسة، رحنا أنا وطليقتي. المديرة قالت
اسم الأب؟ طليقتي بصتلي اكتبه.
وظيفة الأب؟ رجل أعمال.
عنوان الأب؟
سكتنا، أنا ساكن في حتة وهي ساكنة في حتة. المديرة قالت
إنتوا منفصلين؟
أيوه.
طب الحضانة مع مين؟ طليقتي قالت
معايا، بس أبوهم بييجي كل يوم.
المديرة بصت لل 4
دول 4؟ توأم رباعي؟
أيوه.
ماشاء الله، وبتقدروا؟ أنا قلت
كنا مش عارفين نقدر.. دلوقتي بنقدر سوا.
طليقتي استغربت من كلمة سوا بس مضحكتش.
5. الظرف التاني
وأنا بنضف شقتي لقيت ظرف تاني قديم من المحكمة مفتحتوش زمان، فتحته لقيت جواه ورقة تنازل أنا ماضي عليها أتنازل عن كل حقوقي في الأطفال القادمين.. كنت ماضيها وأنا فاكر إن مفيش أطفال، كنت ماضيها عشان أخلص.
جريت على طليقتي
الورقة دي..
قريتها؟
أيوه، دي اللي مضيتعتها للمحامية. قالتلي خليه يمضي عشان لو خلفتي ميجيش يقول ولادي.
وأنا مضيت من غير ما أقرا عشان كنت مستعجل تطلقني وتروح تدور على الست اللي هتجيبلك الوريث.
طب الورقة دي معناها