في يوم مطر شديد لقيت طفلة نايمه قدام بابي ومعاها جواب خلاني ابكي

صله قرابه جامده بينها وبين ام البنت او ابوها. الحما يعني اي كلامك ده؟ انا مش فاهمه منك اي حاجه! الدكتور المدام الي عملت التحليل لاما هيه خاله لا عمه البنت، اما مش هيه الام، نسبه التحليل طالعها في الميه. شروق انت متاكد من الكلام ده؟ بس انا متاكده ان انا معنديش اخوات، ابويا مخلفش حد غيري. الدكتور لا طبعا مفيش الكلام ده، نسبه التحليل بتقول غير كده خالص، ممكن يكون ليكي اخ ولا اخت من الاب وباباكي خبيهم. مصطفي شكرا لحضرتك تعبناك معانا، وبيروح واخدني وبيمشي وانا طول الوقت مصدومه مش مستوعبه الي حصل.
وبعد شويه بنوصل الحما انا برضو الموضوع ده انا مش مصدقاه، وحاسه ان البنت دي بتعمل حاجه غلط. شروق بحده بقولك اي يا حماتي، فكري زي ما انتي عاوزه وقولي الي تقوليه، وانت يا مصطفي ورقه طلاقي توصل ليا! مصطفي اهدي يا شروق، انا مش عاوزك تزعلي من كلام ماما، كل الحكايه انها ام وخايفه علي ابنها ومش حابه حد يخدعو. شروق بس متوصلش للشرف! وهيه كلمه ورد غطاها، هتطلقني يعني هطلقني، ولو ده محصلش بالذوق يبقي المحاكم هيه الي هتعرف تطلقني بمعرفتها. الحما مالك يا ختي متقنعره كده ليه؟ وشايفه نفسك علي ابني ليه؟ الي يشوفك كده يقول الي خلقك مخلقش غيرك، انا اصلا بتنزليش من زوري والمركب الي تودي! مصطفي بس بقا يا ماما بلاش كلامك ده، وانتي يا شروق اهدي الموضوع ميوصلش لطلاق. شروق انت شايف كده برضو؟ مين الي قالك بعد الي حصل انا ممكن افضل علي ذمتك؟ ولو مش حابب يبقي ليك لقب مخلوع يبقي طلقني بالحسني.
وبروح سايباهم وبسافر عند خالتي الخاله شروق! تعالي يا قلبي، انتي متعرفيش انتي واحشاني اد اي.. اي ده هو انتي خلفتي بعد موت مازن ولا اي؟ سبحان الله ياخد من هنا ويوصل من هنا! شروق لا مفيش الكلام ده، انا جايه ليكي مخصوص علشان موضوع البنت ده.
وبروح قايله ليها كل حاجه وعن التحليل وكلام الدكتور، واول ما بقول كده بلاقيها اتوترت الخاله ها.. حسن ابوكي مخلفش حد غيرك يا بنتي. شروق بس وشك بيقول كلام غير كده يا خالتي! وبروح مطلعه صوره، وطالما كلامك زي ما بتقولي مين الي معاكي في الصوره دي؟ والبنت الي هيه شايلاها دي تبقي مين؟ الخاله الكدب يا بنتي ملهوش رجلين، انا هقولك علي كل حاجه، البنت دي شكلها بنت اختك ساره. شروق ساره مين واخت مين؟ انا اول مره اسمع الاسم ده، انا مش فاهمه حاجه! الخاله اهدي وانا هقولك علي كل حاجه، بس انا خبيت عليكي الموضوع ده علشان خاطر ابوكي حلفني ان مش هقولك حاجه عن اختك.
وبدات تفتكر الي حصل زمان لما ماما كانت بتولدني الخاله انا مش فاهمه يا حسن انت طاوعت ماجده في الموضوع دا ليه؟ انت مش شايف انها كبرت علي الحوار ده؟ وغير كده كمان دي مريضه قلب، كان كفايه عليكم ساره وخلاص. حسن هو انا كان بمزاحي؟ اختك مقالتش ليا علشان عارفه كويس اول ما هعرف حاجه زي دي انا هغصبها تنزل، انا كل الي انا عاوزو انها تقوم هيه بالسلامه. الخاله يارب يارب ادعيليها.
وبعد شويه بيخرج الدكتور حسن طمني بالله عليك وقول ان فاطمه كويسه. الدكتور للاسف البقيه في حياتك، بس البنت كويسه، الممرضه هتيجي وتسلمهالكم. وبيروح ماشي. حسن لا لا فاطمه كويسه اكيد مفيهاش حاجه! ساره اهدي يا يابا بالله عليك، ماما اكيد في مكان احسن من كده.
وبعد شويه بتخرج الممرضه بيا الخاله تعالي يا بنتي تعالي يا حسن، شوف بنتك فوله واتقسمت من فاطمه. حسن ابعديها عني! هيه السبب ان فاطمه تروح. الخاله خدي يا ساره اختك وروحي البيت لحد ما نخلص اجراءات الدفنه، انتي دلوقتي امها يا بنتي. ساره حاضر يا خالتي الي تامري بيه. وبتروح واخداها وبتمشي.
ولسه جايه تدخل بتلاقي علي الي هي بتحبو واقف مستنيها علي اي يا بنتي انا بقالي فتره مستنيكي. ساره بالله عليك يا علي امشي دلوقتي، انا الي فيا مكفيني مش قادره اتكلم. علي في اي اهدي بس؟ ومالك عامله كده ليه؟ ساره بدموع ماما راحت.. مش مصدقه ان خلاص معنتش هشوفها. علي اهدي بس وتعالي جوه، مش ينفع وقفتنا دي. وبيروح واخدها وقافل الباب.
وبعد شويه بيقوم من جنبها ساره انا عارفه بابا كويس، طالما قال لا مره مش هيوافق، انا مش فاهمه انا هتصرف الزاي انا دلوقتي. علي بقولك اي اهدي، انا لازم امشي دلوقتي لا ابوكي يطب فجاءه ولو لقاني هيعمل مشكله، ومتقلقيش انا هحاول معاه تاني. ساره ولو رفض ساعتها هنعمل اي؟ يبقي ساعتها هاخدك ونمشي من البلد دي، وساعتها ابوكي هو الي هيكون جني علينا بكده. وبيروح ماشي.
وبيعدي ثلاث شهور وطول الفتره دي بكون عند خالتي، لحد ما ساره بتيجي لينا الخاله كويس ان انتي جيتي يا ساره، انا كنت واخده شروق علشان اصورها، واهو لما تكبر تبقي تفتكر نفسها، تعالي هناخد صوره احنا التلاته سوا. ساره عايزكي تتكلمي مع بابا تاني في موضوع ان ياخد اختي، مينفعش اللي بيعمله ده. الخاله تاني بتتكلمي في الحوار ده؟ انتي عارفه ابوكي كويس اوي عامل ازاي ولا يمكن يوافق علي الكلام ده، هو انتي مالك؟ ساره مافيش، بس عايزكي تخلي بالك من شروق وبابا، مش عارفه ليه حاسه ان هيحصل ليا حاجه قريب. الخاله اوعي تقولي الكلام ده يا بنتي! ربنا يخليكي لينا.. بقولك اي يا بت انتي بطلي نكد بقي وتعالي معانا امال علشان نتصور.
وبعدها بيومين راح بابا ل خالتي الاب هو البت ساره من يوم ما جت عندك ومش رجعت هو فيه اي بالظبط؟ عايزه تقعد عندك ليه؟ الخاله اي الكلام الغريب اللي بتقول عليه ده؟ ازاي يعني شروق جت عندي فعلا بس مشيت علي طول. الاب ازاي يعني الكلام ده؟ انا مش فاهم حاجه، هتكون راحت فين؟ وبيرفضل يدور عليها.
وبعدها بشويه خالتي راحت ليه صفاء اي عملت اي يا جميل؟ معقول مافيش اي اخبار عن ساره؟ هتكون راحت فين؟ جميل انا مش عارف والله دورت عليها في كل حته مش لاقيها خالص. صفاء طيب هو انت كلمت عماد اللي كان عايز يتقدم ليها؟ جميل هتكون بتعمل اي يعني عنده؟ انا خلاص رفض انها تتجوزو. وبعدها دخلت عماد عماد ازيك يا عمي عامل اي؟ انا اتكلمت معاك كذه مره وانت مكنتش موافق.. ساره جميل! اي الكلام الغريب ده؟ ازاي يعني؟ فين؟ انت مش عارف هعمل فيك اي؟ عماد بقولك اي مش هتقدر تعمل معايا حاجه، بنتك مش صغيره.. بقولك اي الحوار خلص خلاص، انا قولت اعرفك علشان لو حبيت تكمل الحوار. الاب امشي اطلع برا مش عايز أشوف وشك تاني! وبيروح ماشي. صفاء اهدي شويه، مينفعش
اللي بتعمله ده.