في يوم مطر شديد لقيت طفلة نايمه قدام بابي ومعاها جواب خلاني ابكي

عليكي صح، عاوزه تفضلي قااعده في بيت ابوكي علشان تمشي علي حل شعرك، بس انا مش هلبس لابني قروون علشان جنابك. شروق اي الكلام العبيط ال انتي بتقوليه ده؟ انا لحد هنا مش هسمح ليكي انتي سمعتي؟ الحما ماشي يا شروق، ما ابقاش انا الا لما خليت مصطفي يطلقك ويتجوز ست ستك، وخليكي قاعده هنا ما ده المكان الي يشبه القرف الي انت كنتي بتعمليه، وبتروح ماشيه.
وبعد شويه بسمع صوت رعد وبرق والدنيا بتبدا تمطر شروق يا خبر هتصرف الزاي دلوقتي؟ البيت قديم قووي واكيد الدنيا هتتبهدل، هتصرف الزاي انا دلوقتي؟ استرها يا رب!
وفجاءة بسمع صوت طفل عمال يعيط شروق هو انا بيتهيالي ولا اي؟ وبفضل اقرب من الصوت لحد ما بقرب من باب البيت وبلاقي الصوت بيزيد، واول ما بفتح بلاقي الصدمه.. طفله صغيره قدام البيت والمطره مغرقاها! شروق بصدمة يا خبر! مين الي معندوش قلب راميكي بالشكل ده؟ تعالي يا بنتي.
وبروح مدخلاها بسرعه، وبروح مقلعاها هدومها وفجاءه بلاقي ورقه واقعه منها ومكتوب فيها بالله عليكي تخلي بالك من بنتي، انا تعبانه قوووي وممكن في اي وقت اموووت، علشان كده مش هلاقي اي حد يخاف على بنتي ولا يحبها غيرك، وبالله عليكي اعتبريها زي ابنك الي راح وخلي بالك منها.
واول ما بقرا كده بفضل اعيط وبفتكر ابني مازن، وبروح واخداها. وبتعدي ايام وانا قافله علي نفسي لحد ما بلاقي الباب بيخبط، ولما بروح علشان افتح بلاقيه الاستاذ حسام حسام ما انتي كويسه اهو! ما بقالي فترة بحاول ان انا اكلمك وانتي مبترديش ومبتيجيش الشغل ليه؟ انتي كويسه؟ شروق الحمد لله، بس غريبه يعني لي الي عرفك مكان بيت بابا؟ كسام بصراحه من صاحبتك عزه، هيه الي قالت لي ان انا اجي اشوفك، وبالذات ان تلفونك مقفول وكانت عاوزه تيجي معايا بس مامتها تعبانه. شروق كل الحكايه ان.. وقبل ما اكمل كلامي بلاقي مصطفي داخل وبيدخل وبيقول مصطفي الله الله اي الي انا شايفو دا؟ يبقي ماما كان عندها حق لما قالت ان انتي ماشيه علي حل شعرك! شروق انت اتجننت يا مصطفي ولا اي؟ ازاي تتكلم معايا بالشكل ده؟ مصطفي هو انتي عاوزاني اتكلم معاكي الزاي ان شاء الله لما ادخل الاقي مراتي قاعده هيه وواحد جوه؟ تسمي اي ده ان شاء الله؟ حسام انت فاهم الموضوع غلط! انا ابقي حسام مدير شروق في الشركه، وكل الحكايه انها بقالها كام يوم مجت الشغل والتلفون بتاعها مغلق وصاحبتها قالت ان اروح ليها علشان كل الي في الشغل قلقان عليها. مصطفي بحده اخرس انت! هو في حد قالك ان انت تتكلم؟ وانتي يا ست هانم امشي قدامي، كلامنا في الشقه امشي قدامي! شروق ماشي يا مصطفي انا هاجي معاك علشان انا مش عاوزه مشاكل، بس استني لما ادخل اجيب حور من جوه وهاجي. مصطفي ومين البنت دي هيه كمان؟ انا مش فاهم منك اي حاجه! شروق واحنا ماشين هقولك علي كل حاجه.
وبتروح داخله جوه وبجيب البنت وبمشي معاه وبقوول ليه علي كل الي حصل مصطفي وازاي يحصل كل ده يا ست هانم ومتكلمنيش وتقولي ليا؟ ولا انتي شيفاتي اي قدامك بالضبط كيس جوافه؟ شروق اي الكلام الي انت بتقولو ده؟ والمفروض مين اصلا يسال انا ولا انت؟ انت الي من ساعت ما مازن ما راح وانت مشيلني ذنب موتو، مش فاهمه ليه! مصطفي بضيق قفلي علي الحوار ده، انا لما صدقت انساه، وامي لما راحت ليكي مرضيتيش تمشي معاها ليه؟ شروق انا بجد تعبت من أسلوبها وطريقه كلامها، انت متعرفش جت ليا تالت يوم، كنت عاوزني ارجع معاها الزاي؟ مصطفي ماشي يا شروق، بس الي اولو شرط اخرو نور، مفيش خروج من البيت ولا بيات في مكان طول ما انتي علي ذمتي، انتي سمعتي؟
واول ما بيقول كده بفضل ساكته، وبعد شويه بنوصل البيت الي بنلاقي حماتي واقفه مستنيانا الحما بحده هو دا الكلام الي انا قولتو ليك، ان انت تروح ترمي عليها اليمين وتيجي في الاخر جاييها وجاي ليا؟ مصطفي خلاص بقا يا ماما، مينفعش برضو ان احنا نجي عليها، وبالذات انتي عارفه ان شروق ملهاش غيري. الحما شكلها الحلوه عرفت تضحك عليك كويس! بس اي ده يا معدوله الي شيلاه علي ايدك ده ان شاء الله؟ مصطفي دي بنت شروق لاقتها قدام بيتها، قررنا ان احنا نربيها سوا. الحما ما انا طول عمري بقول عليك اهبل! هيه مين العبيطه الي ممكن ترمي ضناها كده؟ شروق قصدك اي بالكلام ده يا حماتي ان شاء الله؟ هو انا هكذب ولا هكذب؟ الحما ايوه بتكذبي يا حبيبتي! ما قالو للحرامي احلف قال ان جالو الفرج، العيل ده ابنك انتي مخلفاه واخترعتي القصه دي علشان ابني العبيط يصدقك، البنت دي بنتك انتي! مصطفي اهدي بس يا ماما، وكلام اي الي انتي بتقوليه ده؟ الحما اخرس خالص انا مش عاوزه اسمع صوتك، ما انت لو كنت ناصح مكنش خالت عليك الحكايه الي نص مسلسلات مصر مثلتها، انتي متعرفيش يا شروق انا هعملك اي! ان ما فضحتك ما ابقاش سنيه. شروق بحده هو انتي مفكره ان ممكن اخليكي تقولي ولا تعملي حاجه زي دي؟ انا مستحيل! الحما يا شيخه قولي كلام غير ده! دا انا حتي لما جيت ليكي لقيتك متغيره، هو انتي مفكره حاجه زي دي هتخيل عليا برضو؟ وانا متاكده ان العيله دي بنتك انتي! مصطفي معقول الكلام ده يا شروق؟ انا مش مصدق ان انتي ممكن تعملي حاجة زي دي، معقول انا كنت مخدوع فيكي بالشكل ده؟ شروق تمام يا مصطفي، هو انت مش مصدق كلام مامتك الي هيه بتقولو ده؟ يبقي بيني وبينك التحليل الي هياكد ان العيله دي مش بنتي، واول ما ده يحصل انسي ان ممكن ارجع ليك ودي اخر حاجه بنا. الحما في ستين داهيه يا ختي والمركب الي تودي، انا اصلا مش طايقاكي ولا طايقه شكلك، امشي قدامي انا رجلي علي رجلك ومش هسكت الا لما اتاكد ان كلامي صح!
وفعلا بتاخدنا وبنمشي وانا برجع بيت بابا تاني، وبروح داخله اوضه بابا وبفتح الدولاب وبطلع البوم الصور، وساعتها بلاحظ صوره غريبه واحده شايله طفله وواقفه جنب خالتي شروق اي ده مين البنت دي؟ انا اول مره اشوفها، لما اروح لخالتي اخد الصوره وافهم منها مين دي، بس اول حاجه اخلص من مصطفي وامو.
وبعدي يومين وفعلا بيخرج التحليل وبروح انا ومصطفي وحماتي الحما طمني يا دكتور وقول ان البنت بنتها، انا متاكده انها بنتها وقلبي مستحيل يكذبني. الدكتور التحليل فعلا ايجابي.. الحما ها اي قولك يا ست هانم؟ ما تتكلمي ولا القطه كلت لسانك؟ الدكتور اهدي يا حاجه انا مش خلصت كلامي، التحليل فعلا طلع ايجابي بس مش هيه
الام، في