حكاية صديقتي

ونفس الصوت، هي سلمي ونفس الوحمة اللي في إيديها؟
طيب إزاي واللي هيجنني أنها بتتصرف معايا كأني واحدة غريبة واحنا كنا أعز أصحاب في المدرسة؟ فضلت أفكر فيها، قطع شرودي صوت موبايلي بيرن، دا أكيد محمد. طلعت موبايلي من الشنطة لقيت رقم غريب، يا ترى مين؟ رديت داليا ألو، مين معايا؟ سمر ازيك يا داليا، أنا سمر. داليا أهلاً حبيبتي، عاملة إيه؟ سمر الحمد لله تمام، بقولك أنتي معزومة على العشاء أنتي ومحمد عندنا، أنا أخدت رقمك من محمد وقولت لازم أعزمك بنفسي. داليا شكراً يا قمر، إن شاء الله هاجي مع محمد. سمر تنوري حبيبتي، مع السلامة. داليا الله يسلمك، باي حبيبتي.
قفلت معايا وبعدها روحت البيت. لقيت محمد قاعد، جه قالي داليا، أنتِ أتأخرتي كدة ليه؟ فينك؟ قولتله اصل أنا كنت عند مريم صحبتي بجيب منها المحاضرات اللي نقصاني. قالي أوك، حضري نفسك بكرة علشان معزومين عند أهل سمر. قولتله سمر كلمتني وقالت لي إن شاء الله بكرة. أنا داخلة أوضتي، عايز حاجة يا محمد؟ قالي لا حبيبي، عايز سلامتك.
دخلت أوضتي وأنا لسة بفكر في نفس الموضوع ومش عارفة أنسى وأبطل تفكير. قطع حبل أفكاري صوت موبايلي بيرن، لقيت رقم غريب، قولت أكيد حد من أهل سمر أو حد أعرفه. داليا ألوو.
الو، آنسة داليا معايا؟ داليا أيوه، مين معايا؟
حضرتك أنا البواب اللي جيتي وسألتيني عن أحمد باشا. داليا بصدمة أنت جيبت رقمي منين وبتتصل عليا ليه، عايز مني إيه؟ البواب مش مهم تعرفي جيبت رقمك منين، المهم أنا اكتشفت حاجة خطيرة جداً عن صحبتك سلمي، أظن يهمك تعرفي. داليا إيه هي الحاجة دي، قولي؟ البواب مينفعش الكلام على التليفون، لازم تيجي في نفس المكان اللي جيتي فيه عند عمارة أحمد باشا، بس الموضوع ضروري. داليا ماشي، أنا جاية حالا.
خوفت كتير.. بعد ما كلمني بواب العمارة حسيت أن في حاجة هحصلة، قلبي كان بيدق بسرعة. أنا هخرج إزاي دلوقتي؟ هقول لمحمد إيه؟ أنا لازم اخترع أي حجة، بس إيه هي؟
خرجت من أوضتي وأنا خايفة ومش عارفة هقول إيه لمحمد، طلعت برة ملقتش محمد برة، ناديت عليه مردش، قولت أكيد خرج، الحمد لله دلوقتي أخرج وأشوف إيه حكاية البواب ده. أخدت تاكسي ووصلت عند عنوان سلمي، وهناك لقيت البواب منتظرني. نزلت قدام العمارة البواب كويس أنك جيتي، عايز أوريكي حاجة مهمة. داليا الأول قولي أنت مين وجبت رقمي منين، وأنت مش قولت لي إن أحمد يوسف معندوش بنات؟ البواب بصراحة أنا خوفت من حضرتك، لأنه من بعد ما ماتت الآنسة سلمي وفي ناس بتيجي تسأل عن باباها ومامتها وفي شرطة وصحافة بيجوا يسألوا، فاضطريت أقولك إنه معندوش بنات. بس بعد ما حضرتك مشيتي أنا طلعت شقة الأستاذ أحمد، هو ساب لي نسخة من المفتاح وسافر هو وعيلته بس قالي متقولش لأي حد عن مكاني لأن حياته في خطر.
داليا أنا مش فاهمة حاجة، ممكن تفهمني كل حاجة بالراحة؟ البواب مش حينفع نتكلم هنا، تعالي معايا. طلعت مع البواب وأنا مرعوبة وخايفة، بس كان لازم اطلع أكتشف حقيقة سلمي وسمر. البواب دي شقة الأستاذ أحمد، تعالي معايا.
دخلنا الشقة وكان باين فيها عفش قديم وخيم في السقف وعفار كتير. قالي دي أوضة الست سلمي. دخلت أوضة سلمي وكان متعلق فيها صورها وكل حاجة فيها كأنها موجودة. فتحت دولابها لقيت هدومها متعلقة ولقيت كتب الثانوية اللي كانت بتذاكر فيها. فضلت أبكي كتير عليها وافتكرت لما العربية خبطتها وهي قدامي. البواب بعد حضرتك ما مشيتي أنا جيت هنا ولقيت دي. داليا دي صورتي أنا وسلمي! إحنا كنا متصورينها سوا لما كنا رايحين نقدم في الثانوية.
بلف الصورة لقيت رقمي ورقم سلمي مكتوبين عليها. افتكرت لما الفون بتاعي ضاع ومحمد جاب لي فون جديد وخط جديد، وساعتها سلمي قالت لي هاتي رقمك الجديد. وكتبت لها رقمي وهي كتبت رقمها وعملنا عليهم قلب وضحكنا كتير. البواب لما شوفت صورتك أنتِ والست سلمي تأكدت أنك صحبتها ولازم تعرفي إيه اللي حصلها. داليا بصدمة إيه اللي حصلها، قولي؟
البواب حضرتك عارفة أن الأستاذ أحمد كان صحفي مهم في الدولة وعمره ما نشر إلا الحقيقة وكان عنده الحق حق لو على رقبته. في يوم من الأيام لقيت عربية كبيرة وفيها ناس لابسين بدل وواضح إنهم مهمين جداً، جم وطلعوا شقة الأستاذ أحمد وأنا بالصدفة طلعت أوصل طلبات للشقة اللي قصاد الأستاذ أحمد، سمعتهم بيزعقوا بصوت عالي وبيقولوا له لو حضرتك مرجعتش عن اللي بتعمله ده بنتك هتدفع الثمن غالي. قالهم اللي أنتوا عايزين تعملوه عملوه، بس عمري ما هتنازل عن الحقيقة ولازم أكشف الفساد اللي معلمكم بيعمله. قالوا له حذرناك وأنت حر. ونزلوا من عنده ومشوا، وبعدها بيومين حصلت حادثة الآنسة سلمي.
داليا قصدك تقول إن سلمي اتقتلت مش مجرد حادث؟ البواب الله أعلم، أنا قولت لحضرتك على اللي حصل، بس دول ناس خطيرة وتعمل أي حاجة. داليا وبعدين، كمل؟ البواب بعد كدا الأستاذ أحمد قدم استقالته وقعد فترة في البيت ميخرجش من بعد ما ماتت سلمي بنته. وبعد فترة جه وهو باين عليه جري