رواية دكتور ولكنه عاشق

بنتي استغفر الله العظيم، يلا مسافة السكة.
قفلت فتون واتنهدت براحة وهي مغمضة عينيها وحست إن جبل وانزاح من على كتفها.
زين من وراها شكلها كده عدت على خير.
فتون بابتسامة رقيقة اه الحمد لله، متعرفش أنا كنت خايفة إزاي، بس ربنا يستر بجد بقا من رد فعل خالتي حنان أم معتز.
زين بفضول احم.. هو ممكن أسألك سؤال؟ واعذريني بس عندي فضول أفهم.
فتون باستغراب أكيد اتفضل اسأل.
زين باستفهام هو إزاي قولتي إن معتز زي أخوكي وبتقولي على أبو معتز أنكل؟
فتون بتردد أنا هفهمك، أصل معتز مش أخويا...
زين استغرب أكتر وكان هيتكلم بس قاطعه صوت حازم من وراهم بغضب!
مواجهة زين وحازم
حازم بغضب حضرتك هنا وأنا قالب عليك المستشفى!
زين ببرود خير يا دكتور حازم؟ ما انت عارف إني مبقعدش في مكتبي أصلاً ودايماً بمر على الحالات.
حازم بنفس غضبه ممكن اعرف إيه الأوامر الجديدة اللي انت أخدتها دي؟ بأي حق تبلغهم إني مبقتش مسئول عن قرارات المستشفى؟
زين بجدية بصفتي رئيس المستشفى وصاحب أكبر نصيب فيها يا دكتور حازم، واوعى تنسى ده، ومتنساش كمان إني كنت مديك صلاحيات انت عمرك ما حلمت بيها ومع ذلك انت استغلتها صح وبقيت بتتعامل على إنها مستشفى استثمارية عشان تدخل فلوس وبس، والناس مش مهم بقا يموتوا!
حازم بسخرية قول كده بقا! كل ده عشان الحالة اللي الاستقبال مرضيوش يقبلوها عشان مدفعوش فلوس تحت الحساب؟ طب تقدر تقولي حضرتك بقا فين حساب التجهيزات اللازمة اللي اتعملت؟ أهو لحد دلوقتي مفيش حاجة اتدفعت، عرفت بقا إننا لو مشينا بمبدأك ده هنفلس؟
زين ببرود والله دي حاجة تخصني وأي عجز هيحصل أنا اللي هشيله مش حضرتك، واتفضل روح شوف شغلك بقا وبعدين نتكلم.
حازم رمى نظرة على فتون وبعدين مشي بغيظ، وزين نفخ بضيق ورجع تاني بص لفتون.
فتون بإحراج أنا آسفة أوي إني حطيتك في الموقف ده، النهاردة الحساب هيتدفع، أنا بس كنت عاوزة أطمن على معتز الأول.
زين بحسم لا طبعا مفيش حساب هتدفعيه لأني خلاص خلصته، وسيبك من كلام حازم ده، الطبيعي بتاعنا.
فتون كشرت باستغراب نعم؟ يعني إيه مفيش حساب هدفعه؟ وحضرتك ليه تدفع حسابنا؟ أنا مقبلش حاجة زي دي لأننا مش بنشحت، وحساب المستشفى إحنا نقدر ندفعه، بعد إذنك.
زين نفخ بضيق وشتم حازم في سره عشان بوظ كل حاجة ولأنه قطع عليه لحظة معرفة باقي قصة فتون، فاتنهد بزهق ومشي راح مكتبه.
بعد يومين في غرفة معتز
عدى يومين كانت حالة معتز اتحسنت، فكانوا كلهم في أوضة معتز بيضحكوا بعد ما اطمن محمود على ابنه، فاستغل إن فتون خرجت تجيب شاي من الكافتريا وحنان بتوضب شنطة معتز واتكلم هو معاه
محمود بندم حقك عليا يا معتز يا بني، أنا عارف إنك بتقول إني السبب في اللي حصلك وليك حق.
معتز بلهفة لا يا بابا العفو متقولش كده، ده نصيبي وأنا اللي كنت ماشي ومبصتش حواليا قبل ما أعدي الطريق.
محمود بتنهيدة اسمعني يا معتز، أنا لو كنت معارض فده خوف عليك يا حبيبي من الناس أهل البنت دي لأنهم بتوع مشاكل، بس دي حياتك ولو انت مصمم عليها فخلاص أنا صدقني هروح معاك بنفسي أخطبهالك.
معتز ربنا يخليك ليا يا بابا، عموماً الموضوع خلاص اتخل لوحده.. نادين سابتني يا بابا.
محمود بصدمة يا خبر! سابتك ليه وأمتى ده؟
معتز بخذلان تخيل بقالي كام يوم هنا مفكرتش تسأل عليا، ولما فوقت شوية وبقيت كويس كلمتها مامتهم ردت عليا وقالتلي إنها اتخطبت!
معتز بابتسامة باهتة الحمد لله أنا راضي، وأنا متأكد إن ربنا هيعوضني بإذن الله.
محمود بفخر عين العقل يا بني، إن شاء الله ربنا هيعوضك خير عنها.. هو البت فتون اتأخرت ليه كده؟ كل ده بتجيب شاي؟
معتز بهدوء تلاقيها قاعدة في الكافتريا شوية سيبها براحتها يا بابا، كفاية تعبها معايا اليومين اللي فاتوا، دي كانت مبتنامش عشان لو احتجت حاجة.
محمود بابتسامة ربنا يباركلها والله بت أصول صحيح، ربنا يهدي أمك بس عليها.
في الكافتريا لقاء فتون وهايدي وزين
فتون بغضب يا ستي أنا مش نوران والله! انتي ليه مصممة؟ بقالي ساعة بقنعك!
هايدي بصدمة إزاي مش نوران؟ هو أنا هتوه عنها؟ معقولة يكون في حد شبهها أوي كده؟
فتون باستغراب يا حبيبتي يخلق من الشبه أربعين، ليه لا؟ أكيد شبه صاحبتك دي ولا حاجة.
هايدي بحزن إزاي بس؟ يعني يوم ما ألاقي نوران وتكون شبهها بالملي تطلع مش هي وواحدة شبهها؟ طب فكري شوية يا أنسة، بصي قوليلي اسمك إيه طيب؟
فتون بزهق اللهم طولك يا روح.. أنا اسمي فتون، ها اتأكدتي؟
زين من وراهم هايدي، في حاجة ولا إيه؟ إيه ده، فتون كمان! انتو تعرفوا بعض؟
هايدي بابتسامة هاي زين إزيك؟ أنا ببعتلك السلام مع رامي أخويا علطول، اوعى تقول مش بيوصلك.
زين وهو بيبص لفتون أنا الحمد لله تمام، واه طبعا رامي بيقولي، هو يقدر ميوصليش سلامك برضه؟ هو في حاجة ولا إيه؟
هايدي بحزن لا مفيش، ده سوء تفاهم، أصل الأنسة فتون افتكرتها.. انت عارف إنها مختفية من سنة، بس اتصدمت لما لقيتها بتقولي إنها واحدة تانية مش هي.
فتون تنحت أول ما هايدي قالت كده، وبعدين عينيها دمعت وكان متابعها زين باستغراب.
زين بهدوء أكيد ممكن تكون تشابه مش أكتر، أحياناً بتحصل.
فتون بتهرب أيوة هو كده، بعد إذنكم بقا.
سابتهم فتون وجريت وكان متابعها زين باستغراب.
هايدي بإصرار معقولة يا زين في حد يكون شبه حد بالملي حتى في لون الشعر والعيون؟ أنا فرحت وقولت إني أخيراً لقيتها!
زين بغغموض أنا فاكر رامي كان قالي على اختك روان وإنها اختفت فجأة.
هايدي بتلقائية أيوة، كانت نازلة تروح الجيم بتاعها زي كل يوم ومرجعتش، دورنا في كل حتة ومفيش فايدة، ماما كمان حالتها صعبة أوي من وقتها.
زين باستغراب طب معاكي صورة لأختك؟
هايدي بثقة وهي بتفتح فونها اه طبعا، اهي بص كده.
اتصدم زين لأنها نفس شكل فتون بالملي، وسرح وهو بيفتكر توتر فتون وحزنها.
رجوع فتون للغرفة
حنان بسخرية أهلاً يا هانم! كل ده بتجيبي كوبايتين شاي؟ إيه كنتي بتعمليهم بنفسك؟
فتون بهدوء معلش يا خالتي بس كان زحمة فاتأخرت.
معتز بعتاب ما خلاص يا ماما، مش كفاية إنها نازلة بنفسها تجيب الشاي وإنها تعبانة معايا من بدري؟
حنان بغضب بقا هي تعبانة معاك يا معتز؟ طب وأمك؟ ده انت حتى مفكرتش تقولي تسلم إيديكي عالشنطة اللي لميتها!
معتز بيأس لا إزاي برضه يا حبيبتي، تسلم إيديكي.
حنان بصت لفتون بغيظ ودورت وشها، وفي نفس الوقت دخل زين.
زين بابتسامة بطلنا عامل إيه النهاردة؟ يارب تكون أحسن.
معتز بامتنان ربنا يباركلك يا دكتور والله، أنا بقيت كويس الحمد لله بفضل ربنا وتعبك معايا.
زين بابتسامة تعب إيه يا راجل