التوكيل اللي كان هيضيع حياتها

وبعد كده نبقى نشوف مين يعيش فين ومين يخرج.
يا ماما وطي صوتك.. لو ندى سمعت حاجة، الخطة كلها هتفرقع في وشنا.
مش هتسمع.. الستات زي القطط، طول ما الأكل موجود بيمسحوا جوخ.. أول ما يقل، يخربشوا.
كريم كمل كنت فاكرها هتوافق بسهولة.. تعمل التوكيل، نبيع الشقة، نشتري البيت..
والقرض يفضل عليها هي، متنساش دي، الست سعاد قالت بحدة. الراجل لازم يبقى ماسك لجام الدنيا في إيده.
بس يا ماما.. ندى دفعت شقا عمرها في الشقة دي.
ما هي دفعت.. وهتفضل تدفع، إنت عايز تصفصف في الآخر بشنطة هدومك في الشارع؟
ندى كانت
هتدخل تصقف لهم. برافو! تمثيل وإخراج ونصب على أصوله.
كريم صب شاي، وصوت الكوباية رن على التربيزة يا ماما.. إنتي متأكدة إنها مش شاكة؟
يا ابني دي ساذجة.. ولو شكت، قول لها ده كله عشان راحتك ودلعك يا نونا.
ندى ابتسمت.. كده بقى؟ زقت الباب ودخلت بكل هدوء، بس نظرتها كانت تقطع النفس.
مساء الخير يا عيلة.. بتتكلموا في إيه؟ قروض؟ شقق؟ ولا إزاي تنصبوا على الزوجة الساذجة؟
كريم اتوتر لدرجة إن الشاي دلق على إيده ندى.. الموضوع مش زي ما إنتي فاهمة خالص..
لأ كمل، أنا مستمتعة جداً، حطت شنطتها على الكرسي ببرود واضح إن في خطة عبقرية.. بس المشكلة إني مش همضي على حرف واحد.
الست سعاد رفعت راسها بغرور إنتي فاهمة غلط يا حبيبتي.
آه الجملة المشهورة.. بتتقال لما حد يتقفش متلبس، ندى قالت بسخرية.
كريم قرب منها ندى اسمعيني بس..
زقت إيده بعنف لأ، إنت اللي تسمع.
كنت عايز تضحك عليا.. والأسوأ إني كنت هصدقك. بس دلوقتي اللعبة خلصت.
طلعت ظرف من شنطتها ده إقرار. . وبكرة هروح البنك وألغي أي توكيل قديم، وهراجع كل مليم اندفع.
الست سعاد زعقت ومين عايزك أصلاً بالشك ده؟. بقلم منال علي 
يمكن مش إنتي.. بس أنا عايزة نفسي، وحقي، ردت ببرود الجليد.
كريم ساب البيت بعد 3 أيام، راح قعد عند أمه، وبعد أسبوع بعت رسالة ممكن نتكلم بهدوء؟
ردت بكلمة واحدة نتقابل في الشهر العقاري.
يومها، المكتب كان زحمة وخنقة. كريم لابس قميص وكرافتة، وأمه جاية بشنطتها الجديدة كأنها رايحة تبارك.
ندى، إحنا فكرنا.. يمكن استعجلنا، كريم قال بتمثيل فاشل. البيت برّه حلم جميل.
والقرض هيبقى باسمك إنت المرة دي، أضافت الست سعاد بلؤم.
ندى ابتسمت بانتصار لسه مصدقين إني هضحي تاني؟ طيب اسمعوا بقى..
الشقة دي بقت باسمي لوحدي قانوناً، واتباعت خلاص النهاردة الصبح.
كريم اتصدم لدرجة إنه قام وقف إيه؟! إمتى؟! وبأي حق؟!
حق الذكاء.. بعتها بسعر السوق، ومن غير أي لعب ديل.
إنتي خدتي القرار ده من ورايا؟!
آه.. ومن غيرك بقيت باخد قرارات أحسن بكتير.
طلعت ورقة تانية وده إنذار طلاق رسمي.
الست سعاد اتخضت إزاي؟! إحنا عيلة!
ندى قربت منها وهمست العيلة مش بتخطط تطرد بعض يا طنط.
كريم خبط على المكتب هتندمي! مش هيبقى معاكي مليم!
ندى ضحكت وهي بتلم شنطتها بالعكس.. هيبقى معايا نفسي.. وفلوسي.. وكرامتي.
الموظف كح كأنه بيقول لهم خلصونا. ندى لمّت ورقها وخرجت للهوا. برّه، الدنيا كانت زحمة، بس هي حست بخفة غريبة، كأن جبل انزاح من على صدرها.
كريم جري وراها ندى استني.. نخلص الموضوع ودي؟
بصت له بصه أخيرة وقالت ببرود يا كريم.. المحل قفل.
ومشيت.. لحياة جديدة، مفيش فيها
حد بيخطط إزاي يوقعها.