يوم ما بعد البيت اللي ورثته

ما يلغوا الحجز!
قمت وقفت قدامهم، وقلت بصوت واضح وقوي
مش هنروح مكان.. الفلوس دي ورث من جدي، ومش هتصرف في غير ما خصصته ليه.. ورشة تصميم وخزف، ومكان مستقل أقدر أعمل فيه شغلي بكرامة.
عفاف ضحكت بصوت عالٍ ومستفز
ورشة خزف؟! إنتِ مچنونة؟ تضيعي ملايين في طين؟ جوزك محتاج سيارة تليق بيه، وأخته محتاجة بيت تعيش فيه.. وإنتِ تفكري في نفسك بس؟ أنانية بجد!
سامح قرب مني، وصوته تغير، بقى حاد وملح
رانيا، اسمعيني.. إحنا أهل.. فلوسك دي في النهاية فلوس بيت.. والبيت محتاج.. إنتِ مش هتخلي الفلوس دي تفرق بيننا، صح؟
بصيتله بكل وضوح
اللي بيفرق بيننا مش الفلوس يا سامح.. ده الثقة.. اللي انتهت من زمان لما بدأتوا تقرروا عني حاجات ملككمش حق فيها.
سكتوا شوية، وبعدين عفاف رمت الكيس اللي في إيدها على الطاولة بقوة
طب خدي.. شوفي بنفسك.. سامح كتبلك تفويض توقيع على الحساب، عشان تقدر تدفعي بسرعة.. وقّعي هنا بس، ونخلص الموضوع!
مدّتني الورقة.. وأنا مسكتها، شفت إنها مش مجرد تفويض بسيط.. الكلام مكتوب بذكاء وخبث، إنه تنازل كامل عن المبلغ لزوجها لصالح إدارة الأعمال العائلية.. رفعت عيني لسامح
ده تفويض ولا تنازل؟
ده مجرد صيغة قانونية يا رانيا، ما تخافيش.. عشان نقدر نصرف من الحساب بسرعة..
أنا مش وقّعة حاجة..
عفاف صړخت بعلو صوتها
إنتِ بتعملي مشكلة من لا شيء! جوزك محتاجك تقفي جنبه بدل ما تقفي في وشه!
أنا قفت جنبه كتير.. لما كان بيجي آخر الشهر وما معوش يدفع القسط، لما كان شغله متعطل،
لما أمه كانت تطلب مصاريف زيادة.. ما قلتش لا قط.. بس دي حاجة تخصني لوحدي.. ودي حقي..
سابتهم ومشيت لغرفتي، وقفلت الباب ورايا.. من جوا كنت بسمعهم بيتكلموا بصوت عالٍ، عفاف بتسب وتشتمني، وسامح بيقولها اهدي، هي هتوافق في الآخر.. ما عندها حد غيري، وهتخاف تبقى لوحدها..
الجزء الثالث
الأيام اللي جت كانت صعبة.. كل يوم بيجيلي سامح ويحاول يقنعني، مرة بالكلام الحلو، مرة بالټهديد، مرة بإنّه مش عارف يصرف علينا.. وعفاف كانت تتصل بي كل ساعة تقريبًا، وتقولي كلام يجرح في الصميم إنتِ هتخسري جوزك عشان طين؟، ما حد هيصبر عليكي غيره، الورشة دي هتفشل وتبقي لوحدكِ في الشارع..
كنت صامدة، بس جوايا كان بيوجعني أوي.. مش عشان الفلوس، عشان كنت شايفة بوضوح إنهم ما حبونيش أبدًا.. حبوا اللي معايا بس..
وذات يوم، كنت برجع من البنك بعد ما فتحت حساب منفصل للمشروع الجديد، لقيت سامح مستناني عند الباب، وشه مبسوط بغرابة
رانيا.. تعالي شوفي حاجة..
إيه تاني يا سامح؟
تعالي بس.. المعرض بعتلي العقد.. شوفي كويس إني اتفقتهم على كل حاجة!
فتح الملف اللي في إيده، وبدا يقرا بصوت عالٍ
السيارة.. الموديل الفلاني.. القسط الأول.. المبلغ..
كنت بصتله وأنا مش فاهمة
سامح.. إنت دفعت منين؟ الفلوس لسه في حسابي!
ابتسم بشړ
أنا عرفت أدبرها من مكان تاني.. المهم العربية جاهزة.. بس لازم توقعي هنا عشان تضمني معايا في السداد..
مدّلي الورقة.. ولما قريتها كويس، قلبي اتجمد!
مش مجرد ضمان سداد.. ده قرض بفوائد عالية جدًا، وضمان بملكية الشقة اللي كنت عايشة فيها.. الشقة دي كانت باسمي كمان، ورثتها من جدي!
إيه ده يا سامح؟! رهن شقتي؟ بفوائد چنونية دي؟!
ما تقلقيش.. بس شكلي رسمي.. الفلوس اللي هتجي من العربية هتغطي كل حاجة..
أي فلوس دي؟ شغلك ما بيدخلش نص القسط الشهري! إنت مچنون؟!
أنا مش مچنون.. إنتِ اللي مچنونة لو فاكرة إنك تقدر تمنعيني..
صوته اتغير تمامًا، بقى قاسې وټهديدي
الفلوس دي اتدفعت بالفعل.. والعربية باسمي.. وإنتي ملزمة تدفعي معايا.. لأننا متجوزين.. والقانون بيقول إن الديون العائلية على الاتنين!
وقفت مذهولة.. هو عملها من ورايا بالفعل.. خاطر بحياتي ومستقبلي من غير ما أعرف، بس عشان سيارة يتباهى بيها قدام ناس ما يهمهمش أصلاً!
في اللحظة دي، الباب اتفتح ودخلت عفاف، ومعاها ورقة تانية
وقّعي يا رانيا.. وخلّصينا.. لو ما وقّعتش، هنقول إنك رفضتي المساعدة وهتسببي في خسارة كل حاجة.. والناس كلها تعرف إنك السبب في دمار بيتك!
بصيت لهم.. الاتنين واقفين جنب بعض، وكل واحد فيهم عينيه على الفلوس اللي معايا.. ما شفتش فيهم أي ذرة حب أو رحمة أو حتى خوف عليّ.. شفت طمع خالص، واستغلال مكشوف..
الجزء الرابع
ما وقّعتش.. سحبت الورقة من إيده بكل هدوء، وطيّتها نصين، وقولت
اللي عملته ده مش حيصح.. وأنا مش هدفع قرش واحد.. واتأكد إن اللي أخذته ده هترجعه لوحدك.. وأنا هطلب محامٍ فورًا.
سامح ضحك بصوت عالٍ ومتهكم
محامٍ؟ ومين اللي هيصدقك؟ إنتِ مراتي.. والكل يعرف إنك معاكي فلوس كتير.. هتقولي للناس إني أخذتها منك ڠصب؟ حد مش هيصدقك!
سنشوف..
خرجت من الشقة في نفس اللحظة.. مش عارفة رايحة فين، بس كنت عارفة إن لازم أكون قوية.. رحت مباشرة لمكتب محامية عرفتها من زمان، ست قوية ومحترمة اسمها عالية.. دخلت عليها وحكيت لها كل حاجة من الأول للآخر..
سمعتني بتركيز تام، ولما خلصت، قالت بصوت حازم
حقك واضح يا رانيا.. الميراث بتاعك مال شخصي، مالهوش دعوة بزوجك.. والقرض
اللي أخده من غير علمك وموافقتك، وبدون تفويض منك، ممكن نطالب بإبطاله.. وكمان، لو إثبتنا إنه استغل اسمك وملكيتك بغش، ممكن نرفع عليه قضية تزوير واستغلال نفوذ..
دمعت عيناي
يعني ممكن أرجع حقي؟
بالتأكيد.. بس لازم نكون سريعين.. نجمّع الأدلة، ونبلغ البنك، ونرسل له إخطار رسمي بوقف أي تعامل مالي يتعلق بممتلكاتك..
بدأت الإجراءات من نفس