الدعوة الذهبيه

فرصة إيه؟. أصلح. تصلح إيه؟ 4 سنين؟ هتصلحهم في دقيقة؟. هحاول.
بصيت له.. أول مرة من 4 سنين أبص له كويس.. شعره بقى أبيض.. وشه بقى عجوز.. مكنتش واخدة بالي عشان كنت مشغولة أثبت له إني مش بكسفه. عايز تصلح؟ روح قول لبنت مراتك إن الدعوة اللي اتصورت بيها دي كانت بتاعتي.. وإنها خدت مكان مش مكانها.. وإنها لازم ترجعها. هي رمتها. رمتها؟ الدعوة الدهبي اللي أنا تعبت 4 سنين عشان آخدها رمتها بعد ما اتصورت؟. أيوه.
ضحكت عادي.. أنا معايا 100 دعوة زيها دلوقتي.. بس دعوة واحدة منهم مكتوب عليها الأولى على الدفعة.. ودي محدش يقدر يرميها.
3. بنت مرات أبويا بعتتلي
بليل.. لقيت رسالة على الإنستجرام من بنت مرات أبويا أنا آسفة.. مكنتش أعرف إنها مهمة كده.. كنت فاكراها مجرد حفلة. مردتش. بعتت تاني أبوكي بيعيط من امبارح. مردتش. بعتت تالت أنا مسحت الصورة.
ساعتها رديت مسحتي الصورة بس خدتي الكرسي.. الكرسي لسه بتاعك في ذاكرة الناس.. الناس اللي شافوكي قاعدة في ال VIP مفكرين إنك أنا.. وإن أنا اللي بره في المطر. طب أعمل إيه؟. تعملي إيه؟ تروحي تقولي للناس إن الكرسي ده مكنش بتاعك.. وإنك خدتي دعوة مش بتاعتك.. وإنك اتصورتي بحاجة متعبتيش فيها. محدش هيصدقني. أيوه محدش يصدقك.. زي ما محدش صدقني 4 سنين لما كنت بقول إني الأولى.
عملت لها بلوك.
4. القائد قالي الحقيقة
تاني يوم.. القائد ندهلي عايز أقولك حاجة. تفضل يا فندم. أبوكي جه قابلني قبل التخرج بأسبوع. نعم؟. جه وقالي بنتي في الأكاديمية عندكم.. اسمها كذا.. عايز أعرف مستواها إيه.. قلت له بنتك الأولى على الدفعة وهتاخد جايزة الشرف.. تعرف قال إيه؟.. قال أكيد فيه غلط.. بنتي أنا؟ الأولى؟ مستحيل.. دي بتغسل المواعين بالعافية.
عيطت.. مش عشان زعلانة.. عشان كنت عارفة إنه هيقول كده. وبعدين؟. وبعدين قلت له تعال احضر التخرج وهتشوف بنفسك.. اديته دعوة VIP زيادة مخصوص عشانه.. دعوة غير اللي انتي اديتيهاله.. عشان كنت عارف إنه هيضيع دعوتك. حضرتك كنت عارف؟. أيوه كنت عارف.. عشان انتي حكيتيلي مرة إن أبوكي ادى شهادة تقديرك لبنت مراته عشان تتصور بيها.. فتوقعت هيعمل كده تاني. طب ليه مقولتليش؟. عشان كنت عايزك تتعلمي درس.. الدرس إن حتى لو أبوكي مش مصدق فيكي نص البلد مصدقة.. ونص الظباط جم عشانك انتي.. مش عشانه هو. شكراً يا فندم. متشكرينيش.. اشكري نفسك.. انتي اللي وقفتي في المطر ومدخلتيش من باب الضيوف.. انتي اللي اخترتي تدخلي من باب القائد.
5. بعد شهر
بعد شهر.. أبويا بطل يبعت رسايل.. مرات أبويا بطلت تتصل.. وبنتها قفلت الإنستجرام. وأنا؟ أنا بقيت بدرب 20 بنت.. كل واحدة فيهم أبوها قال لها انتي بتكسفينا.. وكل واحدة فيهم واقفة في المطر.. وأنا كل يوم بحط فوقهم شمسية وبقول لهم تعالوا معايا.. انتو مش هتدخلوا من باب الضيوف.
وأول بنت.. البنت بتاعة الصعيد اللي كانت بتعيط عايزة تروح.. بقت الأولى في التدريب.. جت قالت لي حضرة الملازم.. أنا بقيت الأولى.. عشان انتي مصدقتيش أبوكي لما قال لك انتي بتكسفينا.. صدقتي نفسك. حضنتني شكراً إنك حطيتي فوقي شمسية يومها.
أي بنت واقفة في المطر محتاجة شمسية.. وأنا كنت محظوظة إن القائد حط فوقي شمسية يوم تخرجي.. فبقيت أحط فوقكم شمسية كل يوم. روحنا العنبر.. 20 بنت نايمين.. سرايرهم مترتبة بالمسطرة.. وأنا واقفة في النص.. لابسة البدلة.. النجمة بتلمع.. ومش واقفة في المطر خلاص.. واقفة جوه في المكان اللي تعبت 4 سنين عشان أدخله.. ومحدش يقدر يزقني بره تاني.