سكربيت مشۏھة سلبت قلبي للكاتبة سوليية نصار

اشوف مين ولقيت العريس اللي رفضني اخر مرة وأهانني. ورد انت؟ جاي تاني ليه. كريم بتروتو كنت جاي عشان اعتذر منك... كنت قليل الذوق اووي بس قدري انتي شعوري لما واحد يشوف صورة واحدة ويعجب بيها وبعدين يلاقي... يلاقي...
يلاقيها مشوهة صح؟ قولها متتكسفش.
انا.. انا... كتفت ايدي وانا بقول
انا مش زعلانة اصلا انا تعودت علي كده وانت معذور مفروض عمتي كانت تقولك الحقيقة... فاعتذارك مقبول وبتمنالك السعادة. كريم انا مش جاي عشان اعتذر بس. ورد أومال عايز ايه؟ كريم عايز اتجوزك.
افندم... بتقول ايه؟ كريم بقولك تقبلي تتجوزيني!
الجزء الاخير
انت بتهزر صح اتجوزك ازاي؟
زي الناس هنتخطب الأول وبعدين نتجوز. بصيتله بذهول وانا بقول وايه اللي خلاك تغير رأيك فجأة؟! ايه شفقت عليا مثلا؟ كريم بصبر طيب ممكن تقعدي ونتكلم بهدوء. قعدت وانا مستنياه يتكلم أبتسم لما جات عمتي جابت صينية العصير وقالها تسلم ايديكي.. مشيت عمتي وسابتنا لوحدنا... فضل لمده دقيقتين وهو ساكت وباصص ليا. ورد ايه هتفضل ساكت كتير؟ كريم عايزاني اقول ايه؟ ورد ليه وافقت فجأة؟ انت اول ما شوفتني قعدت تصرخ كأنه شفت عفريت.... عايز تقنعني انك اعجبت بيا بعد ما روحت البيت مثلا؟ كريم شوفي انا انسان صريح وانا هتكلم بصراحة تامة.... كل راجل بيحب تكون مراته علي قدر عالي من الجمال وبالذات انا... انا طبعا بهتم بجمال الروح بس بالنسبالي جمال الوش برضه مهم جدا واهم من الروح... انا لما شوفت صورتك قبل الحادث إتهبلت عليكي... مترددتش ثانية اتقدملك بس لما شوفتك اتصدمت. ورد مش فاهمة برضه عايز ايه من كلامك ده. كريم بتروتو انا اللي اقترحت علي عمتك الجراح التجميلي... الجراح ده يبقي اخو مرات اخويا.... هو شاطر جدا وليه خبرة مع الجروح والتشوهات. ضحكت بسخرية وقلت يعني انت موافق تتجوزني بشرط اني اعمل العملية؟
ايوة!
افرض منجحتش طيب؟ رد كريم بتروتو مش هتجوزك. ضحكت بذهول وقمت من مكاني وانا بقول حضرتك عايزني اعرض حياتي للخطر في عملية ممكن بنسبة كبيرة متنجحش عشان بس اتجوزك ولو منجحتش تخلع انت وأعاني انا.
انا بحاول اساعدك.
اطلع برة...
كريم يا آنسة ورد ميصحش كده.
قولتلك اطلع بره انا بقولهالك اهو انت لو اخر راجل في العالم مستحيل افكر فيه.
بعد يومين.
مش رايحة يا ماما الدكتور كفاية بقا سمعت كلامك كتير المرادي لا!
يا ورد متتعبنيش روحي البسي والا والله ما هكلمك طول حياتي. بصيتلها وانا حاسه بالظلم وصرخت للمرة الأولي في وشها كل ده عشان خاطره... عايزاني اخاطر بالشكل ده عشان ارضي البيه... عشان يتكرم حضرته ويرضي بيا... خلاص بقيت رخيصة للدرجادي.. الام عشان نفسك.... عشان محدش يجرحك بكلمة.... مش عشانه.. يا بنتي اسمعي الكلام قلبي واوجعني عليكي وانا شايفاكي دافنة نفسك هنا... أبوس ايديكي يا ورد تعالي معايا الدكتور وانا مش هجبحك علي حاجة تانية بعد كده.
بعد ساعتين كنت في عيادة الدكتور.. كانت العيادة بتاعته حلوة اووي ومنظمة قعدت وانا متوتة ومستنية دوري بعد نص ساعة بالضبط دخلت.... قعدت علي الكرسي بتروتو وانا حاطه راسي في الارض سمعت الدكتور بيقول ازيك يا ورد ايه انتي مخاصمانا ولا ايه... رفعت راسي وانا متوقعة انه هيخاف من شكلي زي الباقي.. بس اتجمدت مكاني وانا بشوف اجمل عيون رمادية شفتها في حياتي.... ضحكته مختفتش بالعكس فضل مبتسم وهو بيبصلي وبيقول ما انتي زي القمر اهو. حطيت وشي في الارض وسكتت وانا متوترة... قرب مني واتفحص الجرح اللي وشي. بعد نص ساعة قال مش هكدب عليكم الجروح صعبة اووي ومن درجات صعبة جدا لو هنلجأ للجراحة احب انبهكم ان نسبة نجاحها قليل اووي وفيه مخاطرة كمان. ماما مسيطرتش علي نفسها وقعدت تبكي. ورد وانا مش هخاطر يا دكتور قلتلهم مليون مرة اني راضية عن نفسي لكن هما بقا. أبتسم الدكتور وقالي برافو عليكي وما دام انتي راضية عن قضاء ربنا كده اكيد هيجبر بخاطرك. ابتسمت ليه واخدت ماما ومشيت وقررنا نقفل خالص علي الموضوع ده وننسي كل حاجة.. ماما اقتنعت بيا زي ما انا محاولتش تغيرني ولا تخليني اقابل عرسان من غير ارادتي حتي تقبلت ماكس وعرفت أن اللي حصلي قضاء ربنا وماكس ملوش ذنب...
في يوم كنت قاعدة في الجنينة برسم وماكس قاعد جمبي لما سمعت صوته
رسمك حلو. دق قلبي وبصيتله بذهول.
اسف بس مامتك سمحتلي أدخل... اسف لو اتطفلت عليكي.
لا ولا يهمك يا دكتور بس حضرتك بتعمل ايه هنا... ايه لقيت علاج لوشي؟ ضحك عمر... ضحكته كانت تشد سرحت للحظات فيه ولأول مرة اتمني اني مكونش مشوهة عشان يبقالي الحق اني احلم بحياة مع حد وسيم زيه... طردت الأفكار دي من دماغي ولقيته بيبص لماكس. عمر هو ماكس كان معاكي في الحادثة؟ قالها وهو بيشاور علي أجزاء من جسم ماكس المحروق. بصيت لماكس وانا برد بعد ربنا ماكس اللي انقذني من الموت في الحريق. بصلي بحيرة عشان اشرح زيادة. من حوالي تلات سنين كان عندي مرسم بحب ارسم فيه وكان دايما ماكس بيكون جمبي يومها غفيت شوية في المرسم ويظهر اني نسيت البويلر شغال... صحيت علي صوت ماكس وهو بيعض فيا ويصحيني عشان اخرج.... كان في لسه فرصة اخرج من