سكربيت مشۏھة سلبت قلبي للكاتبة سوليية نصار

سكربيت مشوهة سلبت قلبي للكاتبة سوليية نصار
متقدملك عريس يا ورد. سيبت فرشة الرسم وانا ببص لماما بحزن وقلت
ويا تري العريس... يعرفني او شافني.... عارف ظروفي ايه ولا جاي كده وخلاص عشان يتصدم هنا زي اللي فات؟ بصيتلي ماما بتروتو العريس من طرف عمتك نجلاء.
اه عمتي قولتيلي يبقي اكيد ميعرفش ظروفي.
يا بنتي مش يمكن تعجبيه!
ياااه يمكن للدرجادي انا رخيصة عندك يا ماما بتعرضيني كأني بضاعة باظة يمكن الزبون يكون أهبل وياخدها.
يا بنتي مش قصدي!
اومال قصدك ايه يا ماما... قصدك ايه بس لحد امتي لحد امتي هتعرضوني علي العرسان كأني بضاعة باظة عايزين تخلصوا منها.... لحد امتي هتحمل الإهانة؟ بكت ماما وقالت يا بنتي انا ام... ام نفسي اشوف بنتي متجوزة ومستورة في بيتها... نفسي اطمن عليكي قبل ما أموت. ورد بعد الشر عليكي يا ماما متقوليش كده... اللي عايزاه هيحصل... العريس هجيب امتي؟ م بتروتو هيجي النهاردة الساعة تمانية. ورد بهدوء يعني قدامي تلات ساعات يدوب اجهز نفسي. مسكت ماما ايدي وقالت البسي الفستان الاحمر وحطي ميكب رقيق كده يظهرك. ابتسمت بسخرية صدقيني مش هتفرق. قمت ورحت اوضتي واول ما دخلت لف ماكس حوالين رجلي ضحكت وقلت
وانت كمان وحشتني يا ماكس... معلش مش بخرجك انت عارف ماما.
ماكس يبقي الكلب بتاعي... ماما مبتحبهوش بسبب اللي حصلي بسببه كانت عايزة تطرده وانا رفضت وتمسكت بيه عشان كده شرطت ان ماكس يفضل محبوس في اوضتي وأنها متشوفهوش. قعدت جمب ماكس وانا بقوله
النهادرة في عريس تاني يا ماكس.. ماما مصرة اني اقابله تفتكر هيرفضني من غير إهانة ولا هيهيني زي العريس اللي قبله.. ولا ممكن يوافق يتجوزني... لا اكيد مش هيتجوزني ايه الخيال ده.... محدش هيجوز واحدة زيي... يالا مش مشكلة يعني هو اللي اتجوزوا اخدوا ايه... ضحكت وانا بحضن ماكس وبقوله ايه رايك اطنش كلام ماما والبس الفستان الاسود.... ولا اقولك بلاش لاحسن تعلقني وانا مش ناقصة. دخلت الحمام واخدت شاور ولبست الفستان الاحمر ظبطت نفسي... بصيت لنفسي في المراية بحزن ومن غير ما احس قعدت أبكي... ماما خبطت عليا وقالتلي الناس جات. رديت بصوت حاولت اخليه طبيعي حاضر جايه يا ماما. مسحت وشي وضبطت نفسي وخرجت.
طلعت وانا ماسكة صينية القهوة وحاطه وشي في الارض رفعت وشي لقيت فجأة حد شهق وفجأة واحد قام وقعد يصرخ
انتي جايبالي واحدة وشها محروق عشان اتجوزها يا استاذة نجلاء.... دي مش البنت اللي اديتيني صورتها.
الجزء الثاني
بصيت للإرض بإنكسار والعريس لسه بيزعق ويقول انطقي يا استاذة نجلاء مين دي وفين البنت اللي ورتيني صورتها فين.... انتوا جايين تهزروا... اللي في الصورة مكانتش محروقة بالشكل ده. مسحت دموعي ورفعت راسي وانا بقول البنت دي انا بس قبل ما تحصلي حادثة وأتشوه... متقلقش يا استاذ محدش هيجبرك علي حاجة أنت جيت وشوفتني وانا معجبتكش يبقي خلاص تقدر تشرب قهوتك وتمشي وبتمنالك السعادة. حسيته بهت وارتبك بعد ما كان بيزعق.... سندت صينية القهوة ودخلت اوضتي وقفلتها كويس وبعدين قعدت علي السرير حاولت اكتم دموعي قررت اني مش هبكي.... انا راضية بقضاء ربنا وقدره من اول الحادثة وانا راضية وبقول الحمدلله بس للحظات ضعفت.. ضعفت وانا ببكي وبطلب من ربنا انه يرحمني... بطلب منه أن لو الموت هيكون في راحة ليا يبقي الموت احسن... بدل ما انا حاسه نفسي عبئ علي ماما. ماكس قرب مني وكأنوا حس بيا حضنته جامد وانا ببكي... فضلت أبكي لوقت طويل لحد ما حسيت عيني دبلت استغفرت ربنا وغسلت وشي وطلعت كان العريس مشي وعمتي قاعدة جنب ماما وهما الاتنين بيعيطوا.
بتعيطوا ليه دلوقتي؟ قلتها برخانة عشان يضحكوا... ماما قربت مني وحضنتني وهي بتپكي وقالت
انا اسفة يا ورد اسفة يا بنتي طظ في الجواز وطظ في الناس كلها محدش فيهم يستاهل اني اشوف بنتي بتتهان واسكت عشان تتجوز مش هضغط عليكي ابدا في الموضوع ده وعد. ضحكت وانا برد رغم انك وعدتيني الف مرة قبل كده بس هصدقك المرادي عارفة ليه. ماما ليه يا ورد؟ ورد لأن حتي لو انتي طلبتي مني اقابل عرسان تاني انا هرفض واسيبلك البيت واطفش. ضحكت ماما وحضنتني تاني وهي بتقول لا خلاص حرمت. ضحكت وانا بتنهد براحة علي الاقل خلصت من وجود العرسان غير المرغوب فيهم بس رغم كده مش قادرة انسي نظرات اخر واحد... نظرات القرف والخوف كأنه شاف وحش.. عادي مفروض اكون اتعودت اذا كان اللي كنت فاكراهم اصحابي بعدوا عني وعايروني بشكلي ما بالك الغريب...
تاني يوم.
ورد كريمة صاحبتي بتقول ان فيه جراح تجميلي شاطر اووي ممكن يساعدنا ويرجعك زي الأول وأحسن. بصيت لماما وانا بهز راسي بيأس وقلتلها رحنا لعشرين دكتور قبل كده وقال مفيش فايدة يا ماما الحرق واخد نص وشي والحروق صعبة اووي.
يا بنتي أبوس ايديكي روحي معايا ومتتعبنيش. قلت بتعب حاضر يا ماما. حجزتلي ماما عند الدكتور وانا متأكدة انه هيقولي مفيش امل كالعادة بس حبيت اريح ماما وخلاص.... واداني ميعاد بعد اسبوع.
في يوم كنت قاعدة عند عمتي برسم... لما عمتي دخلت عليا وقالت
ورد فيه واحد عايز يقابلك بره.
مين يا عمتو؟
تعالي شوفي بنفسك. طلعت من اوضتي عشان