أنا وبنتي حبينا نفس الشخص

مش كويسه....
مريم انتى هبله على راى المثل بيقول.. اقلب القدره على فمها تطلع البت لامها.... يعني لو انتى دلوقتي روحتي قلتيله ان امك مش كويسه يبقى انتى بالتالي بنت مش كويسه..
ملك مش شرط يخلق من ضهر العالم فاسد ومن ضهر الفاسد عالم.... هقولو انها بتفضل تتكلم مع رجاله العماره كلها... وانها مديه الوش اللي بتديه للاستاذ ده اللي هو فاكر انها بتديهوله هو بس ومعجب بيها.. هي بتديه لكل الرجاله اللي في الدنيا....
مريم يا بنتي انتى مجنونه على طول هتعملي الهبل ده
ملك ايوه انا بحب المستر اياد.. ومستحيل اتخلى عنه حتى لو كان علشان ماما...
مريم طب هتقوليله ازاي يعني هتروحي تقولي له كده من الباب للطاق انا امي وحشه... مش المفروض يبقى في بدايه....
ملك هتشوفي اللي هيحصل دلوقت..
وخلصت المدرسه وعدت من قدام الشغل بتاعه.. وحطت اديها على وشها واصطنعت الحزن.. اياد شافها من الشباك جرى وراها وقال ملك ايه مالك في ايه.. انتى في حد مضايقك في المدرسه..
ملك ممكن نقعد نتكلم سوا..
اياد تعالى اقعدى جوه ...
وقعدها وقعد قصادها وقال ها بقى ايه اللى مزعلك وممشيكى كدا فى الشارع...
ملك بصراحه كده يا استاذ انا لما بابا مات من سنين ماما كانت معايا يعني بتعملي كل حاجه انا عايزاها.... وانا ما كنتش بشوف عليها اي حاجه وحشه... بس بقالها فتره كبيره بتكلم رجاله في التليفون..
اياد لا صلي على النبي كدا... يمكن كانت بتطلب منهم حاجه.. يمكن اللى بتكلمهم بالتليفون دول قرايبها.. او زمايل...
ملك لا يا مستر بتتكلم معاهم كلام مش كويس وبتضحك مع البياعين في السوق كمان... وبتضحك مع الرجاله اللي معانا في العماره.. وبتضحك مع السكان الشباب كده مش بس بتضحك مع الجيران ومع الناس لا كمان بتتكلم وتهزر زياده..
اياد بس انا بشوفها لما باجي عندكم ما فيش عليها حاجه..
ملك ازاى.. مش بتلاحظ اي حاجه عليها..
اياد هى بتتكلم بنفس الطريقه اللي بتتكلم معايا بيها دي مع كل الناس..
ملك واكتر انت محترمه نفسها شويه معاك علشان وجودي يعني.... وعلشان انا بقولها ان انت استاذ كويس وانك ماشي في وشك وما لكش فى العك كده يعني بتلم نفسها شويه في الكلام معاك.. بتحجم نفسها يعني بتتكلم بطريقه مش كويسه خالص... انا تكلمت معاها ما فيش فايده.. المشكله ان انا حاولت انصحها كذا مره كذا مره واقولها يا ماما هذا ما ينفعش.. وان ده غلط بس هي بتقول اه.. وكل مره بقى بترجع تعمل كده تاني وكل مره تتكلم مع واحد غير الاولاني... انا اخر مره يعني خلاص كنت زهقت منها وفضلنا نتكلم بصوت عالي ...ضربتني قلم وقالتلي انتى مالك... دى حياتى وانا حره.... انا مش عارفه اعمل معاها ايه.. انت تنصحني اعمل ايه...
اياد لا هو انا ما اعرفش حاجه انصحك بيها... بس انا متاكد ان انتى فاهمه الموضوع غلط يعني.. مامتك مش كده.. دى ست محترمه...
ملك بضيق يا استاذ بقولك مش فاهمه غلط.. بص لو انا فاهمه غلط không كان هى قالتلى انى فاهمه غلط.. هى بقى ما قالتليش ان انا فاهمه الموضوع غلط وقالتلي كده بالنص... ما لكيش دعوه انا حره في حياتي.. دى حياتى وانا حره فيها.. انت ليه مكدبنى.. ليه مش بتصدق عليها حاجه..
اياد لا مصدق يعني انا هكدبك ليه بس... والله انا مش عارف اقولك ايه... طب يعنى هى مامتك كانت بتفتح معاكي موضوع الجواز... ما قلتلكش قبل كده ان هي عايزه تتجوز حد تاني بعد باباكى الله يرحمه..
ملك ما حدش بيتقدملها ما حدش جيه يتجوزها علشان هم عارفين انها ست مش كويسه...
اياد ايه يعني مش بيجولها وهى بترفضهم علشانك.. احم يعني عشان تفضل معاكي...
ملك مين اللي قالك الكلام ده هي اللى قالتلك كده هو انت اتكلمت مع ماما في الموضوع ده..
اياد يعني اه مره كنا بتتكلم عادي وسالتها انه حضرتك ما اتجوزتيش.. كنت فاكر يعني ان هي بعد ما باباكى مات اتجوزت.. من باب التعارف بس.. فقالت انه هي ما كانتش حابه تسيبك فما رضيتش تتجوز..
ملك لا هي كانت بتكذب عليا بنفس الكذبه دي وبتقول كده... بس الحقيقه انه لا هي ما حدش جالها اصلا عشان هم عارفين سمعتها كويس...
اياد طيب يا ستي على العموم انتى روحي دلوقتي وربنا يسهل بقى..
ملك ماشي يا مستر معلش صدعتك...
اياد لا ولا يهمك فى اى وقت..
ملك طلعت من عندو.. ورجعت على البيت وكانت مامتها محضره الغدا وقالت يلا تعالي يا بنوتي علشان هنتغدى سوا..
ملك انا مش عايزه اكل.. انا اكلت في المدرسه كلى انتى
صباح وبعدين معاكي يا بنتي بتوجعى قلبي معاكى ليه هو ايه اللى مش عايزه اكل. كلت في المدرسه مش عايزه افطر هفطر في المدرسه... مش عايزه اتعشى لو جعت بالليل هبقى اكل.. كلو ما ليش نفس انتى ما بقيتيش تقعدي معايا خالص... هو انا زعلتك في حاجه يعني.. طب لو انا زعلتك في حاجه قوليلي مش انا باجي اقولك انتى قلتى كذا وقلتى كذا وبعاتبك على الحاجه اللي تزعلني.. ليه مش بتعاتبينى على الحاجه اللي تزعلك.. تاجى قوليلي يا ماما انا زعلانه منك عشان كذا... وانا هصلح الحاجه دي والله اكيد اكيد زعلتك من غير قصدي...
ملك لا يا ماما مش زعلانه بس ماليش نفس..
ودخلت اوضتها وقفلبت الباب.. وصباح قعدت بضيق..
الفصل الرابع
عند اياد كان قاعد مع بواب العماره وهو بيسال وبقول هى كويسه يعنى مش بتتكلم مع حد..
البواب لا لا خالص والله الست صباح بصراحه كده ست دغري في حالها وما بتتكلمش مع اي حد حتى لو اتكلمت مع راجل بيبقى في سياق الحديث بس مش اكتر.. اللي هو مثلا صباح الخير مساء الخير وبس.. انا بشوفها بكون قاعد هنا لا حد غريب دخل ولا حد طلع.. ولا بنشوفها بتتكلم اصلا مع حد من سكان العماره.. انا بواب هنا بقالي اكتر من 30 سنه يا بيه من ساعه ما سكنت عمرها ما عملت اي تصرف وحش بصراحه.. حتى كمان بنتها متربيه تربيه كويسه لا لا حضرتك ما عندناش الاخلاق دي في عمارتنا الحمد لله..
اياد الحمد لله..
البواب بس هو حضرتك بتسال ليه..
اياد لا عادي بسال يعني بس انت عارف ان انا باجي ادى درس للبنت وكده فمش حابب اورط نفسي فى اماكن مش كويسه...
البواب لا يا بيه دى ست كويسه من ساعة جوزها ما مات وهى قافله على نفسها وعلى بنتها عمرها ما شفنا منها حاجه وحشه.. حتى بيجيلها على ايدي عرسان ياما اه والله بس هى قالت ان هي مش عايزه تسيب بنتها اصل العرسان اللي بياجولها من بره العماره فهي مش عايزه تسيب البنت وتمشي...
اياد تمام شكرا يا ريس..
وراح خبط على باب صباح.. فتحت وقالت ايه ده استاذ اياد غريبه هو حضرتك معاك درس النهارده
اياد لا لا انا مش جاي للدرس خالص بصراحه جاي ليكى انتى...
صباح ليا انا خير.
اياد