التربي بيرفض دفن الجثه في المقابر

محروس اسمعي كلام امك يا سها اطلعي علي فوق يلا، لما ارجع هبقا اتكلم معاكي.
ومشي محروس وهي عملت نفسها طلعت فوق بس هي مشيت وراه لحد لما راح في مكان في ناس بتشرب حشيش ومعاهم ستات، وهي لما شافته
سها يلهوي يا جدو! يعني الكلام اللي الناس بتقولو عليك طلع صحيح وانت فعلا بتعمل الحاجات دي؟ بس انا هدخلك..
وفعلا سها دخلت وقالت
سها جدوو انت بتعمل ايه هنا؟ محروس بصدمه سها؟! انتي ايه اللي جابك هنا؟ هو انا مش قولت لك روحي علي شقتكم زي امك ماكانت عايزة، ايه اللي جابك ورايا لحد هنا؟ سها انا جيت عشان انا بحبك ومش عايزة اسيبك لوحدك، انت بتعمل ايه هنا؟ يعني الكلام اللي الناس بتقولوا عليك صحيح انت فعلا بتعمل حاجات وحشه؟ محروس انتي برضو بتصدقي علي جدو الكلام ده يا سها؟ انا بس باجي هنا بقعد مع اصحابي اللي بحبهم وبنهزر ونضحك وخلاص، لكن انا مش بعمل حاجات وحشه ولا حاجه، ده انا بشرب شيشه مع أصحابي تعالي نمشي من هنا وانا هفهمك يلا. سها يلا يا جدو نمشي من هنا احسن المكان ده مش حلو.
ومشيو، وهما ماشين واحده قابلت محروس وقالت له
عواطف منك لله يا محروس منك لله! عشان انت السبب في انك تشردني انا وعيالي، منك لله اشوف فيك يوم يا محروس! محروس أستغفر الله العظيم يارب، جرا ايه يا وليه انا عملت لك حاجه عشان تدعي عليا كده؟ مني لله ليه؟ امشي غورى من هنا يلا غورى! عواطف منك لله يارب تشوف اللي انا شوفته يا محروس، ربنا ينتقم منك يارب!
ومشية عواطف وسها قالت له
سها هي مالها الست دي يا جدو بتقولك كده ليه؟ هو انت عملت ايه لجوزها؟ محروس انا معملتش حاجة، ده هي اللي جوزها كان حرامي وكان سارق فلوس والحكومه قبضت عليه وهي افتكرت اني انا اللي بلغت عنه. سها ااه طيب وفيها ايه لو انت اللي بلغت عنه؟ حد قاله يبقا حرامي ويسرق؟ هو يستاهل بقا ان هو يدخل السجن. محروس انا قولت كده يابنتي محدش صدقني خالص.
وبعدها رجعوا البيت وروحت سها عند امها ودخلت اوضتها، وعند محروس راح لواحده دجاله اسمها جمالات وقال لها
محروس بقولك ايه يا جمالات، انا عايز الفلوس اللي كنت متفق معاكي عليها عشان انا مخادتش حاجه، انتي عارفاني انا مش بحب اللي ينصب عليا. جمالات نعم نعم يا حبيبي! فلوس ايه يابو فلوس؟ الفلوس كلها انا اديتها لبشندي التربي وهو قالي ان هو هيقسم معاك، لو هو بقا نصب عليك انا مليش فيه. محروس وانتي بتدي الفلوس لبشندي ليه ان شاء الله؟ ما انتي عارفه ان بشندي ده ياكل مال النبي وانا عارف اني مش هاخد منه حاجه خالص! جمالات انا مليش فيه بقا، انت تروح تصطفل معاه وتاخد منه الفلوس، انما انا مش دافعه فلوس لحد تاني. محروس ماشي يا بشندي الكلب انا هوريك!
وبعدها راح لبشندي المكان اللي هو عايش فيه في الترب وقاله
محروس بشندي! فين الفلوس اللي خدتها من جمالات؟ هي قالت انك اخدت منها نصيبي ونصيبك، فين فلوسي يا زفت انت طلع بالفلوس! بشندي فلوس ايه دي يا محروس؟ انا واخد حقي من جمالات في الشغلانه اللي انت اصلا ملكش فيها! محروس يعني ايه مليش فيها يا بشندي؟ الفلوس دي بينا انا وانت ولا انت هتاكلهم عليا ولا ايه؟ بشندي يا محروس انا اللي طلعت الجثه لجمالات وعملت اللي عملته وانا برضو اللي رجعتها تاني وانت معملتش حاجة! محروس ااه يا حبيبي بس انا اللي جايب لك جمالات لحد هنا ولولا انا كان زمانك دلوقتي معفن زي ما انت! بشندي يوووه بقولك ايه يا محروس وريني عرض كتافك ياخويا انا مش عايز وجع دماغ. محروس بقا كده يا بشندي؟ ماشي ابقي وريني انا هجيب لك شغل تاني منين يا نصاب يا حرامي انت!
ومشي محروس من عند بشندي، وبعدها عدت الأيام ومحروس فضل يشتغل مع جمالات في الاعمال والاسحار اللي هي بتعملها وكان كمان مشهور في المنطقة ان هو بيفترى علي الناس والناس كلها كانت بتخاف منه، وسها في يوم قالت له
سها ياجدو هو انت كل يوم تخرج وترجع في نص الليل بتروح فين بقا يا خلبوص انت؟ محروس هههههههه بقا انا خلبوص يا شقيه؟ انتي عارفه يا بت يا سها الوحيد اللي بسمح لها انها تقولي الكلام اللي هي عايزاه هو انتي وبس. سها ليه بقا يا جدو؟ عشان انت بتحبني صح؟ وعلي فكرة بقا انا كمان بحبك اوي يا جدو وعايزه افضل معاك علطول بس ماما مش راضيه، هما كلهم شايفينك شرير بس انا بقا اللي شيفاك احلي جدو في الدنيا كلها. محروس حبيبة جدو انتي يا سها، انا عايزك تمشي كلام امك وتفضلي معاها علطول هي اللي هتنفعك لما مايكونش في حد جنبك، واسمعي كلامهم. سها يعني لما يتكلموا عنك كده اسمع كلامهم برضو؟ لا يا جدو انا مش هسمع كلامهم في حاجه، انا عايزاك انت وبس عشان مش بحبهم يتكلموا عنك وحش.
وبعدها فضل محروس يعمل اللي هو بيعمله، وفي يوم شاف بنت وقال لجمالات
محروس انا عايز البنت دي يا جمالات، اعملي عمل خليني اخدها وليكي الحلاوه. جمالات بس البت صغيرة عليك اوي يا محروس، دي بنت سمير العجلاتي والبت دي اطلقت من جوزها وقاعده عند امها، وعارفه انك مش هتعجبها ولا هي هترضي بيك. محروس ما انا بقولك بقا تعملي عمل تخليها تحبني، هو انتي مش بتعرفي تعملي كده ولا ايه؟ ولا انتي بتعملي للناس كلها وتيجي لحد عندي انا وتقولي لأ؟ جمالات يا راجل انت كبير اوي عليها والبت صغيرة، علي العموم انا هعملك اللي انت عايزة بس لو محصلش القبول متلومش عليا، ااه انا هعمل اللي في ايدي وبس. محروس اعملي انتي بس العمل وملكيش دعوه بحاجة انا هتصرف.
وفعلا جمالات عملت عمل وسحر للبنت انها تحب محروس وكانت عايزة تتجوزة، وهو قالها
محروس ها يا سماح انتي موافقه عليا ولا ايه يا بت؟ انا بحبك وعايزك. سماح بس امي مش موافقه يا عم محروس، بتقول انك كبير اوي عليا وكده ومش راضيه. محروس الفلوس هتخليها ترضي يا بت، انا أهم حاجة عندي انك انتي موافقه وبس، انا هاروح لابوكي اتقدم له واتجوزك، قولتي ايه بقا؟ سماح خلاص روح لابويا واطلبني منه وانا هوافق عليك.
وراح محروس لسمير وطلب ايد بنته، وسمير قاله
سمير بس البت صغيرة عليك اوي يا معلم محروس، انت عارف انها لسه سنها صغير ومش قد الجواز منك. محروس جرا ايه يا سمير؟ ايه اللي اصغر مني دي؟ لا علي فكرة بقا ده انا شباب عن إبراهيم ومحمود ولادي، ده انا شباب عنهم! سمير خلاص انا هاخد راي البت واشوفها هاتقول ايه وبعدين
ابقي ارد عليك.
وراح سمير وقال لبنته علي موضوع محروس، وهي قالت له
سماح ومالو يابا انا موافقة اتجوزه عشان فلوسه، ده بيقولو ان محروس ده معاه فلوس كتيرة اوي. الام اه ياختي فلوسه كتيرة من الافترا يا بت واللي القرف اللي بيعمله في الناس ده، بياخد اتاوه من الناس ده راجل مفترى يا بنتي! سماح بس هو بيحبني وهيموت عليا ومستعد يعمل اي حاجة عشاني، انا بقا هتجوزة واخد فلوسه وهو كده كده رجله والقبر يعني هيخلص بسرعه. سمير خلاص سبيها يا أم سماح، بس هي اللي هتندم في الاخر.
وبعدها محروس اتجوز سماح ومحمود قاله
محمود انت رايح تتجوز بعد العمر ده كله يابا؟ ليه كده رايح تقل من نفسك مع عيله زي دي؟ محروس انت مالك ياض انت باللي انا بعمله؟ من امتي وفي حد فيكم بيقولي تلت التلاته كام ها؟ خليك في حالك انت واخوك يا محمود.
وراحت له سها وقالت له سها انا زعلانه منك يا جدو، بقا كده رايح تتجوز عليا؟ انا مش هكلمك تاني ماشي! محروس هههههههه اه يا عفريته انتي خلتيني اضحك! هو انا ليا غيرك يا قلب جدو؟ دي عروسه كده وخلاص جايبها عشان تعملي اكلي وكده يعني. سها ااه خدامه يعني؟ طيب يا جدو اذا كان كده ماشي.
وفي يوم كان محروس راجع من بره وسمع سماح بتكلم واحد في التليفون وبتقول
سماح متقلقش يا حبيبي انا خلاص قربت اخد منه كل الفلوس اللي احنا محتاجنها وبعدها بقا نتجوز ونعيش انا وانت مع بعض.
ودخل محروس ومسكها ضربها جامد وقالها
محروس انتي يا بنت الكلب! ده انا هخلص عليكي وحياة امك انا هخلص عليكي!
وهنا اتخانق معاها وقتلها اتسجن فيها
أم سماح وانتي هتعملي ايه يا وليه ماهو اتسجن خلاص وهياخد حكم! سمير هو ياخد الحكم انما انا هخلي عيلته كلها تدفع التمن غالي، انا بنتي كانت غاليه عندي يا سمير، انا هنتقم منهم كلهم وهخليهم يموتوا كلهم وبالذات بنت إبنه اللي كان محروس بيحبها!
وبعدها راحت لجمالات وقالت لها
أم سماح انا عايزاكي تعملي لعنه لمحروس وولاده كلهم وبالذات البت بنت ابنه اللي اسمها سها عشان محروس بيحب البت دي اوي، وانا مش هتبرد ناري غير لما اتشفي فيهم.
وكان بشندي موجود وقال بشندي محروس مات في السجن خلاص، بقا سيبي عيلته في حالهم يا أم سماح. أم سماح ابدا! انا هخليهم يتلعنوا وبنتهم تموت ولما تتدفن القبر ما يكونش عايزها وكل الميتين يلعنوها وتبقا خراب علي الكل الصاحين والميتين!
وفعلا جمالات عملت كده لما خدت فلوس كتير اوي من ام سماح، وعدت السنين وسها مرضت وماتت.
باااااااااااك
المغسلة لا حول ولا قوة الا بالله، هو الانتقام يوصل الناس لعمل السحار بالخراب ليه كده بس!
وبعدها غسلت سها تاني وكفنتها كفن نضيف وفضلت اقرا عليها كتيير اوي، وطلبت من ابوها انه يروح لجمالات تفك اللعنه، وفعلا عمل كده وسها اتدفنت وخلاص اللعنه خلصت والعيله رجعت تبقا كويسه مع بعض.
وبكده تكون خلصت حكايتنا النهارده.